ພາກທີ 11
ພະເຢໂຫວາຮັບຟັງເຮົາບໍ?
ພະເຈົ້າຮັບຟັງຄຳອະທິດຖານຂອງເຮົາແທ້ໆ. 1 ເປໂຕ 3:12
ພະເຢໂຫວາເປັນ “ຜູ້ຟັງຄວາມອ້ອນວອນ.” (ຄຳເພງ 65:2) ພະອົງຢາກໃຫ້ເຮົາເວົ້າກັບພະອົງດ້ວຍຄວາມຮູ້ສຶກຈາກໃຈຂອງເຮົາ.
ໃຫ້ອະທິດຖານເຖິງພະເຢໂຫວາ ຢ່າອະທິດຖານເຖິງຜູ້ອື່ນ.
ເຮົາສາມາດອະທິດຖານກ່ຽວກັບຫຼາຍໆເລື່ອງ. 1 ໂຢຮັນ 5:14
ຈົ່ງອະທິດຖານຂໍໃຫ້ໃຈປະສົງຂອງພະເຈົ້າສຳເລັດໃນສະຫວັນແລະເທິງແຜ່ນດິນໂລກ.
ຈົ່ງອະທິດຖານໃນນາມຂອງພະເຍຊູ ເພື່ອສະແດງວ່າເຈົ້າຖືວ່າສິ່ງທີ່ພະອົງເຮັດເພື່ອເຈົ້ານັ້ນມີຄ່າ.
ຈົ່ງຂໍພະເຢໂຫວາເພື່ອໃຫ້ພະອົງຊ່ອຍເຈົ້າໃຫ້ເຮັດສິ່ງທີ່ຖືກຕ້ອງ. ເຮົາກໍຍັງສາມາດອະທິດຖານເຖິງພະອົງກ່ຽວກັບອາຫານ ງານອາຊີບ ທີ່ພັກອາໄສ ເຄື່ອງນຸ່ງຫົ່ມ ແລະໃຫ້ມີຮ່າງກາຍທີ່ແຂງແຮງໄດ້.