ຄຳນຳຕອນທີ 6
ໃນທີ່ສຸດພວກອິດສະຣາເອນກໍມາຮອດແຜ່ນດິນທີ່ພະເຈົ້າສັນຍາ. ເຂົາເຈົ້າມີເຕັ້ນສັກສິດເປັນສູນກາງຂອງການນະມັດສະການແທ້ ມີປະໂລຫິດສອນກົດໝາຍຂອງພະເຈົ້າ ແລະມີຜູ້ຕັດສິນນຳໜ້າຊາດອິດສະຣາເອນ. ໃນຕອນທີ 6 ນີ້ ເຮົາຈະເຫັນວ່າການຕັດສິນໃຈແລະການກະທຳຂອງຄົນໜຶ່ງອາດມີຜົນກະທົບຕໍ່ຄົນອື່ນຫຼາຍ. ຄົນອິດສະຣາເອນແຕ່ລະຄົນຕ້ອງສັດຊື່ຕໍ່ພະເຢໂຫວາແລະຄົນຊາດດຽວກັນ. ຂໍເນັ້ນໃຫ້ລູກເຫັນວ່າຕົວຢ່າງທີ່ດີຂອງເດໂບຣາ ນາໂອມີ ໂຢຊວຍ ຮັນນາ ລູກສາວຂອງເຢັບທາ ແລະຊາມູເອນເຮັດໃຫ້ພວກອິດສະຣາເອນໄດ້ຮັບຜົນດີແນວໃດ ແລະແມ່ນແຕ່ຄົນອື່ນໆທີ່ບໍ່ແມ່ນຄົນອິດສະຣາເອນ ເຊັ່ນ: ຣາຮາບ ຣຸດ ຢາເອນ ແລະພວກກິເບໂອນທີ່ຕັດສິນໃຈຢູ່ກັບຄົນອິດສະຣາເອນຍ້ອນຮູ້ວ່າພະເຈົ້າຢູ່ນຳເຂົາເຈົ້າ.