ເພງທີ 105
“ພະເຈົ້າເປັນຄວາມຮັກ”
1. ພະເຈົ້າເປັນຄວາມຮັກເຊີນເຮົາໃຫ້: ‘ເດີນໃນທາງແລະຮັກພະອົງ’
ເມື່ອເຮົາຮັກພະເຈົ້າແລະຜູ້ອື່ນ ກໍຄືເຮົາເຮັດດີທຸກວັນ
ນີ້ເປັນສິ່ງສຳຄັນໃນຊີວິດ ຄືສິ່ງທີ່ພວກເຮົາຕ້ອງການ
ຮັກຂອງພະຄລິດຈະບໍ່ສູນໄປ ໃຫ້ປະກາດຮັກຂອງພະຄລິດ
2. ຄວາມຮັກຕໍ່ຄວາມຈິງແລະພະເຈົ້າ ກະຕຸ້ນເຮົາສະແດງຄວາມຮັກ
ເມື່ອເຮົາລົ້ມພະອົງຈະຊ່ວຍເຮົາ ໃຫ້ເຮົາມີກຳລັງຂຶ້ນມາ
ຄວາມຮັກບໍລິສຸດກະລຸນາ ບໍ່ອິດສາແລະທົນທຸກສິ່ງ
ໃຫ້ຄວາມຮັກຕໍ່ພີ່ນ້ອງເພີ່ມຂຶ້ນ ສຳຜັດຄວາມຮັກທີ່ແທ້ຈິງ
3. ຢ່າປ່ອຍໃຫ້ຄວາມຂຸ່ນເຄືອງໃນໃຈ ໃຫ້ເຮົາເຮັດສິ່ງບໍ່ສົມຄວນ
ເພິ່ງພະເຈົ້າພະອົງຈະຊີ້ນຳ ຈະສັ່ງສອນແລະເຕືອນເຈົ້າວ່າ:
ໃຫ້ຮັກພະເຈົ້າແລະຮັກເພື່ອນບ້ານ ຮັກທຸກສິ່ງທີ່ຄວນຈະຮັກ
ໃຫ້ເຮົາຮັກຄົນອື່ນສະເໝີໄປ ຄືກັບທີ່ພະເຈົ້າຮັກເຂົາ
(ເບິ່ງຕື່ມ ມໂກ. 12:30, 31; 1 ໂກ. 12:31–13:8; 1 ໂຢ. 3:23)