ຊີວິດຄລິດສະຕຽນ
ວິທີໃຊ້ຕົວຢ່າງການສົນທະນາ
ນັບຕັ້ງແຕ່ເດືອນມັງກອນ ປີ 2018 ຊີວິດຄລິດສະຕຽນແລະວຽກຮັບໃຊ້—ຄູ່ມືການປະຊຸມ ມີຕົວຢ່າງການສົນທະນາສຳລັບການປະກາດແລະກັບໄປຢາມ. ເຮົາຄວນໃຊ້ຕົວຢ່າງເຫຼົ່ານີ້ແນວໃດ?
ເມື່ອໄດ້ຮັບສ່ວນມອບໝາຍໃຫ້ເປັນນັກຮຽນ: ເຈົ້າຄວນໃຊ້ຄຳຖາມ ຂໍ້ພະຄຳພີ ແລະເລື່ອງທີ່ຈະລົມນຳເທື່ອໜ້າທີ່ຢູ່ໃນຕົວຢ່າງການສົນທະນາ. ແຕ່ບໍ່ໄດ້ໝາຍຄວາມວ່າເຈົ້າຕ້ອງເວົ້າຕາມທຸກຄຳໃນວິດີໂອ. ເຈົ້າອາດໃຊ້ສາກການສົນທະນາ ຄຳນຳ ການຫາເຫດຜົນ ຫຼືຈະປັບປ່ຽນເປັນວິທີອື່ນໆຕາມສະພາບການກໍໄດ້. ນອກຈາກນັ້ນ ເຈົ້າອາດສະເໜີສິ່ງພິມຈາກກ່ອງເຄື່ອງມືສຳລັບການສອນກໍໄດ້ເຖິງວ່າບໍ່ມີຄຳແນະນຳທີ່ເຈາະຈົງໃນສ່ວນມອບໝາຍທີ່ເຈົ້າໄດ້ຮັບ.
ເມື່ອເຮັດວຽກປະກາດ: ເຖິງວ່າການສະເໜີໃນຄູ່ມືການປະຊຸມຈະໃຫ້ແງ່ຄິດທີ່ເປັນປະໂຫຍດ ແຕ່ກໍເປັນພຽງຕົວຢ່າງ. ຖ້າຄົນທີ່ເຈົ້າປະກາດນຳສະແດງຄວາມສົນໃຈແລະຢາກຮູ້ຫຼາຍຂຶ້ນ ເຈົ້າອາດລົມກັນຕໍ່ໄປໂດຍໃຊ້ຕົວຢ່າງການກັບໄປຢາມ. ເຈົ້າອາດປັບຕົວຢ່າງການສົນທະນາ ຫຼືເວົ້າເລື່ອງໃດກໍໄດ້ທີ່ລາວສົນໃຈ. ຕົວຢ່າງການສົນທະນາຂອງເດືອນທີ່ຜ່ານມາຫຼືຂໍ້ພະຄຳພີອື່ນອາດເໝາະກັບຄົນໃນເຂດຫຼາຍກວ່າບໍ? ຄົນໃນເຂດຂອງເຈົ້າກຳລັງສົນໃຈຂ່າວຫຼືເລື່ອງທີ່ຫາກໍເກີດຂຶ້ນຢູ່ແຖວນັ້ນບໍ? ບໍ່ວ່າເຈົ້າຈະເລືອກໃຊ້ວິທີໃດ ເປົ້າໝາຍຂອງເຈົ້າຄວນເປັນການ “ເຮັດທຸກຢ່າງເພື່ອຂ່າວດີ ເພື່ອຂ້ອຍຈະໄດ້ປະກາດຂ່າວດີກັບຄົນອື່ນໆ.”—1ກຣ 9:22, 23