ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ປະກາດກັບຄົນຕາບອດ
ເປັນຫຍັງເລື່ອງນີ້ສຳຄັນ: ຄົນຕາບອດຫຼາຍຄົນບໍ່ກ້າລົມກັບຄົນແປກໜ້າ. ດັ່ງນັ້ນ ເຮົາຕ້ອງມີຄວາມສາມາດເພື່ອຈະປະກາດກັບພວກເຂົາ. ພະເຢໂຫວາສະແດງຄວາມຮັກແລະເປັນຫ່ວງຄົນຕາບອດ. (ເລວີ 19:14) ເຮົາຮຽນແບບຕົວຢ່າງຂອງພະອົງໄດ້ໂດຍເປັນຝ່າຍເລີ່ມຊ່ວຍຄົນຕາບອດໃຫ້ຮຽນຮູ້ກ່ຽວກັບພະເຢໂຫວາ.
ສິ່ງທີ່ຄວນເຮັດ:
“ຊອກຫາ” ຄົນຕາບອດ. (ມທ 10:11) ເຈົ້າຮູ້ຈັກບາງຄົນທີ່ມີຄົນໃນຄອບຄົວເປັນຄົນຕາບອດບໍ? ໃນເຂດປະກາດຂອງເຈົ້າມີໂຮງຮຽນຫຼືອົງການຊ່ວຍເຫຼືອຄົນຕາບອດ ຫຼືສູນເບິ່ງແຍງຄົນຕາບອດທີ່ຢາກໄດ້ປຶ້ມທີ່ເຮັດເພື່ອພວກເຂົາໂດຍສະເພາະບໍ?
ສະແດງຄວາມສົນໃຈ. ຖ້າເຈົ້າເປັນໝູ່ແລະສະແດງຄວາມຈິງໃຈກໍຈະເຮັດໃຫ້ຄົນຕາບອດສະບາຍໃຈຫຼາຍຂຶ້ນ. ພະຍາຍາມເລີ່ມໂດຍລົມເລື່ອງທີ່ຄົນໃນທ້ອງຖິ່ນສົນໃຈ.
ຊ່ວຍໃຫ້ຮຽນຮູ້ກ່ຽວກັບພະເຢໂຫວາ. ເພື່ອຊ່ວຍຄົນຕາບອດຫຼືຄົນທີ່ມີບັນຫາທາງດ້ານສາຍຕາ ອົງການຂອງເຮົາໄດ້ເຮັດປຶ້ມແລະສື່ຕ່າງໆອອກມາຫຼາຍຮູບແບບ. ຖາມແຕ່ລະຄົນວ່າຢາກຮຽນໃນຮູບແບບໃດ. ຜູ້ດູແລການຮັບໃຊ້ຄວນແນ່ໃຈວ່າຜູ້ເບິ່ງແຍງສັບພະໜັງສືໄດ້ຂຽນຂໍປຶ້ມແລະສື່ຕ່າງໆທີ່ຄົນຕາບອດຕ້ອງການແທ້ໆ.