ສິ່ງທີ່ມີຄ່າຈາກພະຄຳຂອງພະເຈົ້າ | ອົບພະຍົບ 10-11

ໂມເຊກັບອາໂຣນສະແດງຄວາມກ້າຫານ

10:3-6, 24-26, 28; 11:4-8

ໂມເຊກັບອາໂຣນສະແດງຄວາມກ້າຫານເມື່ອເວົ້າກັບຟາໂຣ ຜູ້ທີ່ມີອຳນາດສູງສຸດໃນສະໄໝນັ້ນ. ອັນໃດຊ່ວຍເຂົາເຈົ້າໃຫ້ກ້າຫານ? ຄຳພີໄບເບິນເວົ້າກ່ຽວກັບໂມເຊວ່າ: “ຍ້ອນຄວາມເຊື່ອ ລາວອອກຈາກເອຢິບໂດຍບໍ່ຢ້ານຄວາມໃຈຮ້າຍຂອງກະສັດ ແລະລາວຢືນຢັດຕໍ່ໄປຄືກັບເຫັນພະເຈົ້າທີ່ມະນຸດເບິ່ງບໍ່ເຫັນ.” (ຮຣ 11:27) ໂມເຊກັບອາໂຣນມີຄວາມເຊື່ອເຂັ້ມແຂງແລະໄວ້ວາງໃຈໃນພະເຢໂຫວາ.

ໃນສະຖານະການໃດແດ່ທີ່ເຈົ້າຕ້ອງມີຄວາມກ້າຫານເພື່ອສະແດງຄວາມເຊື່ອຕໍ່ຜູ້ທີ່ມີອຳນາດ?

ຮູບພາບ: ສະຖານະການຕ່າງໆທີ່ເຮົາສາມາດກ້າຫານໄດ້. 1. ເດັກຊາຍຄົນໜຶ່ງຢືນຢູ່ງຽບໆຕອນທີ່ຄົນອື່ນເຄົາລົບທຸງຢູ່ໂຮງຮຽນ. 2. ພີ່ນ້ອງຊາຍຄົນໜຶ່ງຢືນຢູ່ຕໍ່ໜ້າສານຕັດສິນ. 3. ພີ່ນ້ອງຊາຍໄວລຸ້ນຄົນໜຶ່ງໄປປະກາດແລະສະເໜີແຜ່ນພັບໃຫ້ເຈົ້າຂອງເຮືອນຕອນທີ່ຕຳຫຼວດແນມເບິ່ງລາວຢູ່ໃກ້ໆ.