ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ການປະກາດຜ່ານທາງກ້ອງທີ່ຢູ່ໜ້າເຮືອນ ຫຼືໂທລະສັບພາຍໃນ (Intercom)
ເປັນຫຍັງຈຶ່ງສຳຄັນ: ຍ້ອນມີອາດຊະກຳຫຼາຍຂຶ້ນ ຫຼາຍຄົນໃນທຸກມື້ນີ້ຈຶ່ງບໍ່ຢາກເປີດປະຕູເຮືອນໃຫ້ຄົນແປກໜ້າ ເຂົ້າເຈົ້າຈຶ່ງໃຊ້ເຄື່ອງມືທີ່ທັນສະໄໝເຊັ່ນ: ກ້ອງທີ່ຢູ່ໜ້າເຮືອນ ຫຼືໂທລະສັບພາຍໃນ (Intercom). ເຮົາອາດຮູ້ສຶກວ່າບໍ່ກ້າທີ່ຈະປະກາດກັບຄົນທີ່ເຮົາບໍ່ເຫັນໜ້າ ແຕ່ເຂົາເຈົ້າພັດເຫັນເຮົາ. ການເຮັດຕາມຄຳແນະນຳຕໍ່ໄປນີ້ຈະຊ່ວຍເຮົາໃຫ້ປະກາດໃນວິທີນີ້ດ້ວຍຄວາມໝັ້ນໃຈຫຼາຍຂຶ້ນ.
ສິ່ງທີ່ຄວນເຮັດ:
ຄິດໃນແງ່ບວກ. ເຈົ້າຂອງເຮືອນຫຼາຍຄົນທີ່ມີກ້ອງຢູ່ໜ້າເຮືອນ ຫຼືໂທລະສັບພາຍໃນ (Intercom) ເຂົາເຈົ້າກໍເຕັມໃຈຢາກລົມກັບເຮົາ
ຂໍໃຫ້ຈື່ໄວ້ວ່າກ້ອງບາງປະເພດເລີ່ມຈັບພາບຂອງເຈົ້າທັນທີທີ່ເຈົ້າເຂົ້າໄປໃນເຂດນັ້ນແລະເຈົ້າຂອງເຮືອນກໍກຳລັງເບິ່ງແລະຟັງຢູ່ກ່ອນທີ່ເຈົ້າຈະກົດກະດິງຊ້ຳ
ເມື່ອເຈົ້າຂອງເຮືອນຕອບກໍໃຫ້ລົມກັບລາວຜ່ານທາງກ້ອງນັ້ນຄືກັບວ່າລົມແບບໜ້າຕໍ່ໜ້າ. ໃຫ້ຍິ້ມແລະເຮັດທ່າທາງໃຫ້ເປັນທຳມະຊາດ. ຖ້າລາວອອກມາໜ້າປະຕູກໍໃຫ້ເວົ້າຕາມທີ່ໄດ້ກຽມໄວ້. ແຕ່ຖ້າມີກ້ອງກໍບໍ່ຄວນເອົາໜ້າເຂົ້າໄປໃກ້ກ້ອງຫຼາຍເກີນໄປ. ຖ້າເຈົ້າຂອງເຮືອນບໍ່ຕອບກໍບໍ່ຕ້ອງຝາກຂໍ້ຄວາມຫຍັງໄວ້
ຂໍຢ່າລືມວ່າຫຼັງຈາກລົມກັນແລ້ວໆ ເຈົ້າຂອງເຮືອນກໍຍັງເບິ່ງແລະຟັງຢູ່