ຊີວິດຄລິດສະຕຽນ
ບົດຮຽນຈາກຊີວິດຂອງຊາມູເອນ
ຊາມູເອນສັດຊື່ຕໍ່ພະເຢໂຫວາຕະຫຼອດຊີວິດ. ເຖິງວ່າຕອນເປັນເດັກນ້ອຍລາວຈະເຫັນຕົວຢ່າງທີ່ບໍ່ດີຂອງໂຫບນີກັບຟີເນລູກຊາຍຂອງເອລີ ແຕ່ລາວກໍບໍ່ເຮັດຄືກັບສອງຄົນນັ້ນ. (1ຊາມ 2:22-26) ຊາມູເອນເຕີບໃຫຍ່ຂຶ້ນ ແລະພະເຢໂຫວາກໍເບິ່ງແຍງລາວ. (1ຊາມ 3:19) ເຖິງວ່າຊາມູເອນຈະເຖົ້າແລ້ວກໍຍັງໃຊ້ຊີວິດຕາມແນວທາງຂອງພະເຢໂຫວາ ແຕ່ລູກຊາຍຂອງລາວບໍ່ໄດ້ເຮັດຕາມແບບຢ່າງທີ່ດີຂອງລາວ.—1ຊາມ 8:1-5
ເຮົາໄດ້ຮຽນຫຍັງຈາກຈາກຕົວຢ່າງຂອງຊາມູເອນ? ຖ້າເຈົ້າອາຍຸຍັງນ້ອຍ ຂໍໃຫ້ໝັ້ນໃຈວ່າພະເຢໂຫວາເຂົ້າໃຈວ່າເຈົ້າຕ້ອງເຈິກັບບັນຫາຫຍັງແດ່ແລະເຈົ້າຮູ້ສຶກແນວໃດ. ເພິ່ນຈະຊ່ວຍໃຫ້ເຈົ້າມີຄວາມກ້າ. (ເອຊາ 41:10, 13) ຖ້າເຈົ້າເປັນພໍ່ແມ່ແລະລູກຂອງເຈົ້າບໍ່ໄດ້ຮັບໃຊ້ພະເຢໂຫວາ ເຈົ້າຄືຊິໄດ້ຮັບກຳລັງໃຈທີ່ຮູ້ວ່າຊາມູເອນກໍບໍ່ສາມາດບັງຄັບລູກທີ່ໃຫຍ່ແລ້ວໃຫ້ສັດຊື່ຕໍ່ພະເຢໂຫວາໄດ້. ຊາມູເອນຝາກເລື່ອງນີ້ໄວ້ກັບພະເຢໂຫວາ ລາວຍັງສັດຊື່ແລະເຮັດໃຫ້ພະເຢໂຫວາພໍໃຈ. ບາງເທື່ອຕົວຢ່າງທີ່ດີຂອງເຈົ້າອາດເຮັດໃຫ້ລູກກັບມາຫາພະເຢໂຫວາກໍໄດ້.
ເບິ່ງວິດີໂອຮຽນຈາກເຂົາເຈົ້າ—ຊາມູເອນ ແລ້ວຕອບຄຳຖາມຕໍ່ໄປນີ້:
ຕອນເປັນເດັກນ້ອຍຊາມູເອນໄດ້ສະແດງຄວາມກ້າຫານແນວໃດ?
ແດນນີ້ໄດ້ສະແດງຄວາມກ້າຫານແນວໃດ?
ຕອນທີ່ຊາມູເອນເຖົ້າແລ້ວ ລາວຍັງເປັນຕົວຢ່າງທີ່ດີແນວໃດ?
ພະເຢໂຫວາຈະສະໜັບສະໜູນຄົນທີ່ເຮັດຕາມມາດຕະຖານຂອງເພິ່ນ
ພໍ່ແມ່ແດນນີ້ເປັນຕົວຢ່າງທີ່ດີແນວໃດ?