ຊີວິດຄລິດສະຕຽນ
ພະເຢໂຫວາຊ່ວຍເຮົາໃຫ້ຜ່ານຄວາມຍາກລຳບາກໄດ້
ໃນສະໄໝສຸດທ້າຍ ເຮົາເຈິບັນຫາຫຼາຍຢ່າງທີ່ຮັບມືຍາກ. ບາງເທື່ອ ບັນຫາທີ່ເຮົາເຈິອາດເຮັດໃຫ້ເຮົາຮູ້ສຶກວ່າທົນບໍ່ໄຫວແລ້ວ. ແຕ່ຖ້າເຮົາພະຍາຍາມສະໜິດກັບພະເຢໂຫວາຕໍ່ໄປ ເພິ່ນຈະຊ່ວຍເຮົາໃຫ້ອົດທົນໄດ້ເຖິງວ່າບັນຫາທີ່ເຮົາເຈິຈະໃຫຍ່ຫຼາຍ. (ເອຊາ 43:2, 4) ເຮົາຕ້ອງເຮັດແນວໃດເພື່ອຈະສະໜິດກັບພະເຢໂຫວາໃນຊ່ວງທີ່ເຈິບັນຫາ?
ອະທິດຖານ. ເມື່ອເຮົາລະບາຍຄວາມຮູ້ສຶກຈາກໃຈກັບພະເຢໂຫວາ ເພິ່ນຈະໃຫ້ເຮົາມີສັນຕິສຸກໃນໃຈແລະມີກຳລັງທີ່ຈະອົດທົນໄດ້.—ຟລປ 4:6, 7; 1ທຊ 5:17
ປະຊຸມ. ໃນຊ່ວງເວລານີ້ ເຮົາຈຳເປັນຕ້ອງໄດ້ຮັບອາຫານທີ່ເສີມຄວາມເຊື່ອແລະການຄົບຫາກັບພີ່ນ້ອງຫຼາຍກວ່າເມື່ອກ່ອນ. (ຮຣ 10:24, 25) ເມື່ອເຮົາກຽມໂຕ ໄປປະຊຸມ ແລະມີສ່ວນຮ່ວມ ເຮົາກໍໄດ້ຮັບປະໂຫຍດຈາກພະລັງຂອງພະເຢໂຫວາຢ່າງເຕັມທີ.—ພນມ 2:29
ຮັບໃຊ້. ຖ້າເຮົາດຸໝັ່ນເຮັດວຽກຮັບໃຊ້ຢູ່ສະເໝີ ເຮົາຈະຮູ້ສຶກງ່າຍຂຶ້ນທີ່ຈະຄິດໃນແງ່ບວກ. ແລະເຮົາຈະສະໜິດກັບພະເຢໂຫວາແລະພີ່ນ້ອງຫຼາຍຂຶ້ນນຳ.—1ກຣ 3:5-10
ເບິ່ງວິດີໂອພະເຢໂຫວາຈະຮັບເຈົ້າໄວ້ ແລ້ວຕອບຄຳຖາມຕໍ່ໄປນີ້:
ອັນໃດຊ່ວຍມາລູໃຫ້ສະໜິດກັບພະເຢໂຫວາໃນຊ່ວງທີ່ເຈິບັນຫາ?
ເຮົາຈະຮັບກຳລັງໃຈຈາກຄຳເພງ 34:18 ຄືກັບມາລູໄດ້ແນວໃດ?
ປະສົບການຂອງມາລູເຮັດໃຫ້ເຫັນແນວໃດວ່າພະເຢໂຫວາໃຫ້ “ກຳລັງທີ່ຫຼາຍກວ່າປົກກະຕິ” ເມື່ອເຮົາເຈິກັບບັນຫາ?—2ກຣ 4:7