ຊີວິດຄລິດສະຕຽນ

ເຈົ້າກຽມຕົວຮັບມືກັບວິກິດການທາງເສດຖະກິດແລ້ວບໍ?

ເຮົາບໍ່ໄດ້ຕົກໃຈຫຼາຍເກີນໄປເມື່ອເຫັນວ່າເຫດການຕ່າງໆພາໃຫ້ສະພາບເສດຖະກິດທົ່ວໂລກບໍ່ໝັ້ນຄົງ. ຍ້ອນຫຍັງ? ຍ້ອນເຮົາກຳລັງຢູ່ໃນສະໄໝສຸດທ້າຍ ແລະຄຳພີໄບເບິນກໍເຕືອນເຮົາບໍ່ໃຫ້ຝາກຄວາມຫວັງໄວ້ກັບ “ຊັບສົມບັດທີ່ບໍ່ໝັ້ນຄົງ.” (1ຕມ 6:17; 2ຕມ 3:1) ຕົວຢ່າງຂອງກະສັດເຢໂຮຊາຟັດຊ່ວຍເຮົາແນວໃດໃຫ້ກຽມຕົວຮັບມືກັບວິກິດການທາງເສດຖະກິດ?

ເມື່ອຊາດຕ່າງໆມາໂຈມຕີອິດສະຣາເອນ ກະສັດເຢໂຮຊາຟັດໄດ້ໄວ້ໃຈພະເຢໂຫວາ. (2ຂຄ 20:9-12) ລາວຍັງໄດ້ກຽມຕົວລ່ວງໜ້າໂດຍສົ່ງທະຫານໄປຢູ່ທຸກເມືອງ ແລະຕັ້ງກອງທະຫານປ້ອງກັນຢູ່ເມືອງຕ່າງໆ. (2ຂຄ 17:1, 2, 12, 13) ຄືກັບເຢໂຮຊາຟັດ ເຮົາຕ້ອງໄວ້ໃຈພະເຢໂຫວາແລະກຽມຕົວລ່ວງໜ້າເພື່ອຈະຮັບມືໄດ້ໃນເວລາທີ່ຍາກລຳບາກ.

ເຮົາຕ້ອງເຮັດຫຍັງເພື່ອຈະກຽມຕົວຮັບມືກັບວິກິດການທາງເສດຖະກິດ?

ກຽມພ້ອມທາງດ້ານຄວາມເຊື່ອ: ໃຫ້ອີ່ມໃຈພໍໃຈກັບສິ່ງທີ່ມີຢູ່ແລະໄວ້ໃຈພະເຢໂຫວາຫຼາຍຂຶ້ນວ່າເພິ່ນຈະໃຫ້ເຮົາມີສິ່ງຈຳເປັນໃນແຕ່ລະມື້. (ມທ 6:26; 1ຕມ 6:8) ໃຫ້ຕັ້ງໃຈເຮັດຕາມຫຼັກການໃນຄຳພີໄບເບິນເພື່ອຈະພໍໃຈກັບສິ່ງທີ່ເຮົາມີ. (ຣມ 2:21) ໃຫ້ຄິດເບິ່ງວ່າຖ້າບໍ່ມີໄຟຟ້າຫຼືອິນເຕີເນັດ ເຮົາຈະອ່ານຄຳພີໄບເບິນແລະປຶ້ມຕ່າງໆຂອງອົງການຕໍ່ໄປໄດ້ແນວໃດ. ໃຫ້ເກັບປຶ້ມແບບເປັນເຈ້ຍໄວ້ບາງຫົວ ແລະຖ້າເປັນໄປໄດ້ໃຫ້ດາວໂຫຼດປຶ້ມຕ່າງໆໄວ້ລ່ວງໜ້າ.

ກຽມພ້ອມທາງດ້ານວັດຖຸ: ພະຍາຍາມຫຼຸດຜ່ອນໜີ້ສິນແລະລາຍຈ່າຍທີ່ບໍ່ຈຳເປັນກ່ອນທີ່ຈະເກີດບັນຫາທາງເສດຖະກິດ. (ສຸພາ 22:7) ຖ້າເປັນໄປໄດ້ ໃຫ້ສະສົມອາຫານແລະສິ່ງຂອງທີ່ຈຳເປັນຕາມຄວາມເໝາະສົມ. ບາງຄົນອາດຈະປູກຜັກແລະເຮັດສວນເພື່ອປະຢັດເງິນ.

ເບິ່ງວິດີໂອເຈົ້າໄດ້ກຽມຕົວຮັບມືກັບໄພພິບັດແລ້ວບໍ? ແລ້ວຕອບຄຳຖາມຕໍ່ໄປນີ້:

ຮູບຈາກວິດີໂອ “ເຈົ້າໄດ້ກຽມຕົວຮັບມືກັບໄພພິບັດແລ້ວບໍ?” ມີປຶ້ມຄຳພີໄບເບິນ ກະເປົ່າແລະໂທລະສັບ ແລະຜູ້ທີ່ຊ່ວຍໃນໂຄງການກໍ່ສ້າງ.

ເຮົາຈະເຮັດຫຍັງແດ່ເພື່ອຈະກຽມຕົວຮັບມືກັບໄພພິບັດ?

ບໍ່ເປັນຫຍັງເດີ້

ຮູບຈາກວິດີໂອ “ເຈົ້າໄດ້ກຽມຕົວຮັບມືກັບໄພພິບັດແລ້ວບໍ?” ພີ່ນ້ອງຊ່ວຍວຽກບັນເທົາທຸກໂດຍເຮັດວຽກກໍ່ສ້າງແລະຂົນເຄື່ອງຈາກລົດບັນທຸກ.

ເຮົາຈະກຽມຕົວແນວໃດເພື່ອຊ່ວຍເຫຼືອຄົນອື່ນ?

ບໍ່ເປັນຫຍັງເດີ້