ຊີວິດຄລິດສະຕຽນ
ເຈົ້າກຽມໂຕຮັບມືກັບຄວາມບໍ່ສະຫງົບທາງການເມືອງແລ້ວບໍ?
ແຮ່ງໃກ້ຈະເຖິງຈຸດຈົບ ເຮົາຄາດໝາຍໄດ້ວ່າຈະມີຄວາມບໍ່ສະຫງົບທາງການເມືອງ ການກໍ່ການຮ້າຍ ແລະສົງຄາມຫຼາຍຂຶ້ນ. (ພນມ 6:4) ເຮົາຈະກຽມໂຕໃຫ້ພ້ອມສຳລັບເລື່ອງເຫຼົ່ານີ້ໄດ້ແນວໃດ?
ກຽມພ້ອມດ້ານຄວາມເຊື່ອ: ພະຍາຍາມຫາຫຼັກການແລະເລື່ອງໃນຄຳພີໄບເບິນທີ່ຈະເຮັດໃຫ້ເຈົ້າໄວ້ໃຈພະເຢໂຫວາແລະອົງການຂອງເພິ່ນຫຼາຍຂຶ້ນແລະຊ່ວຍໃຫ້ເຈົ້າຮັກສາຄວາມເປັນກາງໄດ້. (ສຸພາ 12:5; jr-SI ໜ້າ 125-126 ຂໍ້ 23-24) ຕອນນີ້ໃຫ້ເຈົ້າພະຍາຍາມສະໜິດກັບພີ່ນ້ອງໃນປະຊາຄົມໃຫ້ຫຼາຍໆ.—1ປຕ 4:7, 8
ກຽມໂຕໃຫ້ພ້ອມ: ໃຫ້ວາງແຜນວ່າຈະໄປລີ້ຢູ່ໃສໃນເຮືອນແລະກຽມສິ່ງຈຳເປັນໃຫ້ພ້ອມ. ນອກຈາກນັ້ນ ໃຫ້ວາງແຜນນຳວ່າເຈົ້າຈະເຮັດແນວໃດຖ້າຕ້ອງອົບພະຍົບອອກຈາກເຮືອນ. ກຽມກະເປົາສຸກເສີນ ເງິນ ແລະອຸປະກອນປ້ອງກັນສ່ວນບຸກຄົນ (PPE) ເຊັ່ນ: ຖົງມືແລະໜ້າກາກອະນາໄມໃຫ້ພ້ອມ. ເຮັດໃຫ້ແນ່ໃຈວ່າເຈົ້າມີຂໍ້ມູນຕິດຕໍ່ຜູ້ດູແລ ແລະຜູ້ດູແລສາມາດຕິດຕໍ່ເຈົ້າໄດ້.—ເອຊາ 32:2; g17.5-SI ໜ້າ 3-7
ໃນໄລຍະຄວາມບໍ່ສະຫງົບ ໃຫ້ເຮັດກິດຈະກຳຂອງຄລິດສະຕຽນຢູ່ສະເໝີ ເຊັ່ນ: ອະທິດຖານ ສຶກສາສ່ວນຕົວ ແລະໄປປະຊຸມ. (ຟລປ 1:10) ຢ່າຍ້າຍບ່ອນຢູ່ເລື້ອຍໆຍົກເວັ້ນເຈົ້າຈຳເປັນຕ້ອງອົບພະຍົບແທ້ໆ. (ມທ 10:16) ແບ່ງປັນອາຫານແລະສິ່ງຈຳເປັນໃຫ້ກັນ.—ຣມ 12:13
ເບິ່ງວິດີໂອເຈົ້າໄດ້ກຽມໂຕຮັບມືກັບໄພພິບັດແລ້ວບໍ? ແລ້ວຕອບຄຳຖາມຕໍ່ໄປນີ້:
ພະເຢໂຫວາຊ່ວຍເຮົາແນວໃດໃນໄລຍະທີ່ເກີດໄພພິບັດ?
ເຮົາຈະກຽມໂຕແນວໃດໄດ້ແດ່?
ເຮົາຈະຊ່ວຍຄົນອື່ນທີ່ໄດ້ຮັບຜົນກະທົບຈາກໄພພິບັດໄດ້ແນວໃດ?