ສິ່ງທີ່ມີຄ່າຈາກພະຄຳຂອງພະເຈົ້າ | ໂຢບ 33-37

ໝູ່ແທ້ໃຫ້ຄຳແນະນຳທີ່ເສີມສ້າງ

ສະບັບພິມ

ເມື່ອເອລີຫຶຮ່ວມສົນທະນາ ຄຳແນະນຳຂອງລາວຕ່າງກັນແທ້ໆກັບຄຳແນະນຳຂອງເອລີຟາດ ບີເລດາດ ແລະໂຈຟາ ທັງທາງຄຳເວົ້າແລະວິທີທີ່ປະຕິບັດກັບໂຢບ. ລາວພິສູດໃຫ້ເຫັນວ່າລາວເປັນໝູ່ແທ້ແລະເປັນຜູ້ໃຫ້ຄຳແນະນຳທີ່ດີເຊິ່ງຄູ່ຄວນທີ່ຈະຮຽນແບບ.

ເອລີຫຶເວົ້າກັບໂຢບໃນຂະນະທີ່ເອລີຟາດ ບີເລດາດ ແລະໂຈຟານັ່ງເບິ່ງ

ຄຸນລັກສະນະຂອງຜູ້ທີ່ໃຫ້ຄຳແນະນຳທີ່ດີ	ເອລີຫຶວາງແບບຢ່າງທີ່ດີ
32:4-7, 11, 12; 33:1
ມີຄວາມອົດທົນ ຕັ້ງໃຈຟັງ ສະແດງຄວາມນັບຖື	ເອລີຫຶຄອຍຖ້າຢ່າງອົດທົນທີ່ຈະໃຫ້ຜູ້ອາຍຸສູງກວ່າເວົ້າຈົບກ່ອນແລ້ວລາວຈຶ່ງເວົ້າ. ໂດຍການຕັ້ງໃຈຟັງ ລາວຈຶ່ງເຂົ້າໃຈບັນຫາຫຼາຍຂຶ້ນກ່ອນທີ່ຈະໃຫ້ຄຳແນະນຳ. ເມື່ອເວົ້າກັບໂຢບລາວໄດ້ໃຊ້ຊື່ຂອງໂຢບແລະເວົ້າກັບລາວຄືກັບໝູ່ຄົນໜຶ່ງ.
33:6, 7, 32
ມີຄວາມຖ່ອມໃຈ ເຂົ້າຫາໄດ້ງ່າຍ ເຫັນອົກເຫັນໃຈ	ເອລີຫຶຖ່ອມໃຈ ກະລຸນາ ແລະຍອມຮັບວ່າຕົວເອງກໍເປັນຄົນບໍ່ສົມບູນແບບ. ລາວເຫັນອົກເຫັນໃຈໂຢບທີ່ເຈັບປວດທໍລະມານ.
33:24, 25; 35:2, 5
ມີຄວາມສົມດຸນ ມີຄວາມກະລຸນາ ມີທັດສະນະແບບດຽວກັບພະເຈົ້າ	ເອລີຫຶສະແດງໃຫ້ໂຢບເຫັນດ້ວຍຄວາມກະລຸນາວ່າລາວມີທັດສະນະທີ່ບໍ່ສົມດຸນ. ເອລີຫຶຊ່ວຍໂຢບໃຫ້ເຫັນວ່າຄວາມຊອບທຳຂອງລາວບໍ່ແມ່ນສິ່ງສຳຄັນທີ່ສຸດ. ຄຳແນະນຳທີ່ຖືກຕ້ອງຂອງເອລີຫຶໄດ້ກຽມໂຢບໃຫ້ມີໃຈພ້ອມຈະຮັບຄຳແນະນຳເພີ່ມເຕີມຈາກພະເຢໂຫວາ.