ຊີວິດຄລິດສະຕຽນ
ແຜ່ນດິນ “ອ້າປາກກືນແມ່ນ້ຳ”
ຕະຫຼອດປະຫວັດສາດມີຫຼາຍຄັ້ງທີ່ເຈົ້າໜ້າທີ່ບ້ານເມືອງໄດ້ຊ່ວຍປະຊາຊົນຂອງພະເຢໂຫວາ. (ເອເຊດ 6:1-12; ເອເຊທ 8:10-13) ແມ່ນແຕ່ໃນສະໄໝປັດຈຸບັນ ເຮົາກໍເຫັນ “ແຜ່ນດິນ” ເຊິ່ງເປັນກຸ່ມຄົນຫຼືຜູ້ມີອຳນາດທີ່ມີເຫດຜົນຫຼາຍກືນ “ແມ່ນ້ຳ” ຂອງການຂົ່ມເຫງທີ່ມາຈາກການຍຸຍົງຂອງ “ພະຍານາກ” ຫຼືມານຊາຕານ. (ພນມ 12:16) ບາງຄັ້ງພະເຢໂຫວາ “ພະເຈົ້າແຫ່ງຄວາມພົ້ນ” ອາດກະຕຸ້ນຜູ້ປົກຄອງທີ່ເປັນມະນຸດໃຫ້ຊ່ວຍປະຊາຊົນຂອງພະອົງ.—ເພງ 68:20; ສຸພາ 21:1
ຈະວ່າແນວໃດ ຖ້າເຈົ້າກຳລັງຕິດຄຸກຍ້ອນຄວາມເຊື່ອ? ຂໍໃຫ້ໝັ້ນໃຈວ່າພະເຢໂຫວາກຳລັງເບິ່ງເຈົ້າຢູ່. (ຕົ້ນ 39:21-23; ເພງ 105:17-20) ຂໍໃຫ້ເຊື່ອໝັ້ນວ່າເຈົ້າຈະໄດ້ຮັບລາງວັນຍ້ອນຄວາມເຊື່ອ ແລະພີ່ນ້ອງທົ່ວໂລກຈະໄດ້ຮັບກຳລັງໃຈຈາກຄວາມສັດຊື່ຂອງເຈົ້າ.—ຟລປ 1:12-14; ພນມ 2:10
ເປີດວິດີໂອພີ່ນ້ອງໃນເກົາຫຼີໄດ້ຮັບການປ່ອຍຕົວອອກຈາກຄຸກ ແລ້ວຕອບຄຳຖາມຕໍ່ໄປນີ້:
ເປັນຫຍັງພີ່ນ້ອງຊາຍຢູ່ເກົາຫຼີຫຼາຍພັນຄົນຈຶ່ງຕິດຄຸກໃນຫຼາຍປີທີ່ຜ່ານມາ?
ຄຳຕັດສິນຂອງສານຊ່ວຍພີ່ນ້ອງເຮົາແນວໃດໃຫ້ຖືກປ່ອຍຕົວກ່ອນກຳນົດ?
ເຮົາຈະຊ່ວຍພີ່ນ້ອງຢູ່ທົ່ວໂລກແນວໃດເຊິ່ງກຳລັງຕິດຄຸກຍ້ອນຄວາມເຊື່ອ?
ເຮົາຄວນໃຊ້ອິດສະລະທີ່ມີໃນຕອນນີ້ແນວໃດ?
ໃຜເປັນຜູ້ຊ່ວຍເຮົາໃຫ້ຊະນະຄະດີຕ່າງໆໃນສານ?
ຂ້ອຍກຳລັງໃຊ້ອິດສະລະທີ່ມີໃນຕອນນີ້ແນວໃດ?