ບົດທີ 19

ພະຍານພະເຢໂຫວາເປັນຄລິດສະຕຽນແທ້ບໍ?

ສະບັບພິມ

ພວກເຮົາທີ່ເປັນພະຍານພະເຢໂຫວາໝັ້ນໃຈວ່າເຮົາເປັນຄລິດສະຕຽນແທ້. ເປັນຫຍັງເຮົາຈຶ່ງໝັ້ນໃຈແບບນັ້ນ? ໃຫ້ເຮົາມາເບິ່ງເຫດຜົນບາງຢ່າງກ່ຽວກັບຄຳສອນທີ່ເຮົາເຊື່ອ ຊື່ທີ່ເຮົາໃຊ້ ແລະຄວາມຮັກທີ່ເຮົາມີຕໍ່ກັນ.

1. ຄຳສອນຂອງພະຍານພະເຢໂຫວາມາຈາກໃສ?

ພະເຢຊູບອກວ່າ: ‘ຄຳເວົ້າຂອງພະເຈົ້າເປັນຄວາມຈິງ.’ (ໂຢຮັນ 17:17) ພະເຢຊູສອນສິ່ງທີ່ມາຈາກຄຳພີໄບເບິນທີ່ເປັນຄຳເວົ້າຂອງພະເຈົ້າ ພະຍານພະເຢໂຫວາກໍເຮັດແບບນັ້ນຄືກັນ. ໃຫ້ເຮົາມາເບິ່ງປະຫວັດຄວາມເປັນມາຂອງພະຍານພະເຢໂຫວາເຊິ່ງເຄີຍເປັນທີ່ຮູ້ຈັກກັນວ່າ ກຸ່ມນັກສຶກສາຄຳພີໄບເບິນ. ໃນໄລຍະປີ ຄ.ສ 1870 ເຂົາເຈົ້າເລີ່ມສຶກສາຄົ້ນຄວ້າຄຳສອນໃນຄຳພີໄບເບິນຢ່າງລະອຽດ. ເຂົາເຈົ້າຈະເຊື່ອສະເພາະສິ່ງທີ່ຄຳພີໄບເບິນບອກເທົ່ານັ້ນ ເຖິງວ່າຄຳສອນນັ້ນຈະບໍ່ຄືກັບຄຳສອນຂອງສາສະໜາຄລິດກຸ່ມອື່ນໆກໍຕາມ. ເມື່ອກຸ່ມນັກສຶກສາຄຳພີໄບເບິນເຂົ້າໃຈຄຳສອນໃນຄຳພີໄບເບິນແລ້ວ ເຂົາເຈົ້າກໍເລີ່ມບອກໃຫ້ຄົນອື່ນຮູ້.a

2. ເປັນຫຍັງພວກເຮົາຈຶ່ງມີຊື່ວ່າພະຍານພະເຢໂຫວາ?

ພະເຢໂຫວາເອີ້ນຄົນທີ່ນະມັດສະການເພິ່ນວ່າເປັນພະຍານຂອງເພິ່ນຍ້ອນເຂົາເຈົ້າບອກຄວາມຈິງກ່ຽວກັບເພິ່ນ. (ເຮັບເຣີ 11:4-12:1) ຕົວຢ່າງເຊັ່ນ ໃນສະໄໝບູຮານ ພະເຈົ້າບອກຄົນຂອງເພິ່ນວ່າ: “ເຈົ້າເປັນພະຍານຂອງເຮົາ.” (ອ່ານເອຊາຢາ 43:10) ພະເຢຊູເອງກໍຖືກເອີ້ນວ່າ “ພະຍານທີ່ສັດຊື່.” (ພະນິມິດ 1:5) ດັ່ງນັ້ນ ຕັ້ງແຕ່ປີ ຄ.ສ 1931 ເຮົາຈຶ່ງເອີ້ນໂຕເອງວ່າພະຍານພະເຢໂຫວາ. ເຮົາພູມໃຈຫຼາຍທີ່ໄດ້ໃຊ້ຊື່ນີ້.

3. ພະຍານພະເຢໂຫວາຮັກກັນຄືກັບທີ່ພະເຢຊູຮັກລູກສິດຂອງເພິ່ນແນວໃດ?

ພະເຢຊູຮັກລູກສິດຂອງເພິ່ນຫຼາຍແລະເບິ່ງວ່າເຂົາເຈົ້າເປັນຄືກັບຄົນໃນຄອບຄົວ. (ອ່ານມາຣະໂກ 3:35) ພະຍານພະເຢໂຫວາໃນທຸກມື້ນີ້ກໍຄືກັນ ເຮົາເອີ້ນກັນວ່າພີ່ນ້ອງຍ້ອນເຮົາເປັນຄືຄົນໃນຄອບຄົວດຽວກັນ. ບໍ່ວ່າຈະຢູ່ບ່ອນໃດເຮົາກໍເປັນໜຶ່ງດຽວກັນ. (ຟີເລໂມນ 1, 2) ນອກຈາກນັ້ນ ເຮົາຍັງເຮັດຕາມຄຳສັ່ງທີ່ບອກວ່າ: “ໃຫ້ຮັກພີ່ນ້ອງຄລິດສະຕຽນທຸກຄົນ.” (1 ເປໂຕ 2:17) ພະຍານພະເຢໂຫວາເຮັດຫຼາຍຢ່າງທີ່ສະແດງວ່າຮັກກັນແທ້ໆ ເຊັ່ນ ເຮົາຊ່ວຍເຫຼືອພີ່ນ້ອງທີ່ຢູ່ທົ່ວໂລກທີ່ເຈິກັບຄວາມຍາກລຳບາກ.

ຮຽນຮູ້ຫຼາຍຂຶ້ນ

ມາເບິ່ງວ່າພວກເຮົາທີ່ເປັນພະຍານພະເຢໂຫວາມີປະຫວັດຄວາມເປັນມາແນວໃດແລະມີຫຍັງອີກທີ່ເຮັດໃຫ້ຮູ້ວ່າເຮົາເປັນຄລິດສະຕຽນແທ້.

ຮູບ: ພະຍານພະເຢໂຫວາກຳລັງປະກາດ. 1. ພີ່ນ້ອງຍິງອ່ານແລະອະທິບາຍຄຳພີໄບເບິນໃຫ້ຜູ້ຍິງຄົນໜຶ່ງຟັງ. 2. ພີ່ນ້ອງຊາຍກຳລັງປະກາດຢູ່ບ່ອນສາທາລະນະ ລາວໄດ້ລົມກັບຜູ້ຊາຍຄົນໜຶ່ງທີ່ສົນໃຈຢາກຮູ້. — ຄລິດສະຕຽນແທ້ສອນຄວາມຮູ້ຈາກຄຳພີໄບເບິນແລະບອກຄວາມຈິງເລື່ອງພະເຢໂຫວາໃຫ້ຄົນອື່ນຮູ້

4. ສິ່ງທີ່ເຮົາສອນມາຈາກຄຳພີໄບເບິນ

ພະເຢໂຫວາບອກໄວ້ວ່າຄວາມຈິງໃນຄຳພີໄບເບິນຈະແຈ້ງຂຶ້ນເລື້ອຍໆ. ອ່ານດານີເອນ 12:4 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເມື່ອຄົນຂອງພະເຈົ້າຄົ້ນຄວ້າຄຳພີໄບເບິນຢ່າງລະອຽດຖີ່ຖ້ວນ ເຂົາເຈົ້າຈະມີຫຍັງ “ຢ່າງຫຼວງຫຼາຍ”?

ໃຫ້ເຮົາມາເບິ່ງວ່າກຸ່ມນັກສຶກສາຄຳພີໄບເບິນທີ່ມີ ຊານ ຣັດເຊວກັບໝູ່ຂອງລາວຮຽນຄຳພີໄບເບິນແນວໃດ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ພວກເຮົາຄົ້ນພົບຄວາມຈິງໃນຄຳພີໄບເບິນ (7:45)

ໃນວິດີໂອ ຊານ ຣັດເຊວແລະໝູ່ຂອງລາວໃຊ້ວິທີໃດເພື່ອສຶກສາຄຳພີໄບເບິນ?

ເຈົ້າຮູ້ບໍ?

ເປັນຫຍັງບາງເທື່ອເຮົາຕ້ອງປັບປ່ຽນຄຳສອນບາງຢ່າງຂອງເຮົາ? ຄືກັບແສງຕາເວັນທີ່ຄ່ອຍໆແຈ້ງຂຶ້ນແລະເຮັດໃຫ້ເຫັນທິວທັດຊັດເຈນຫຼາຍຂຶ້ນ ພະເຈົ້າກໍຊ່ວຍເຮົາໃຫ້ເຂົ້າໃຈຄຳພີໄບເບິນຫຼາຍຂຶ້ນເລື້ອຍໆຕາມເວລາທີ່ເໝາະສົມ. (ອ່ານສຸພາສິດ 4:18) ແລະເມື່ອເຮົາເຂົ້າໃຈຄຳພີໄບເບິນຫຼາຍຂຶ້ນ ເຮົາກໍເລີຍປັບປ່ຽນຄຳສອນຂອງເຮົາໃຫ້ກົງກັບທີ່ຄຳພີໄບເບິນສອນແທ້ໆ.

5. ຊື່ຂອງເຮົາບອກໃຫ້ຮູ້ວ່າເຮົາເຮັດຫຍັງ

ໃຫ້ເຮົາມາເບິ່ງວ່າເປັນຫຍັງເຮົາຈຶ່ງມີຊື່ວ່າພະຍານພະເຢໂຫວາ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ຊື່ທີ່ບອກໃຫ້ຮູ້ວ່າເຮົາແມ່ນໃຜ (2:40)

ເປັນຫຍັງຈຶ່ງເໝາະສົມທີ່ເຮົາຈະໃຊ້ຊື່ວ່າພະຍານພະເຢໂຫວາ?

ຫຼາຍຄົນບໍ່ຮູ້ຄວາມຈິງກ່ຽວກັບພະເຢໂຫວາ ເພິ່ນກໍເລີຍໃຫ້ມີຄົນທີ່ເປັນພະຍານຂອງເພິ່ນ. ພະຍານຂອງພະເຢໂຫວາຈະບອກໃຫ້ຄົນອື່ນຮູ້ວ່າພະເຢໂຫວາເປັນພະເຈົ້າແບບໃດແທ້ໆ. ຕອນນີ້ໃຫ້ເຮົາມາເບິ່ງຄຳສອນຜິດໆ 2 ເລື່ອງນຳກັນ.

ບາງສາສະໜາສອນວ່າພະເຈົ້າຢາກໃຫ້ເຮົາໃຊ້ຮູບບູຊາໃນການນະມັດສະການເພິ່ນ ແຕ່ຄຳພີໄບເບິນເວົ້າແນວໃດ. ອ່ານລະບຽບພວກເລວີ 26:1 ແລ້ວລົມກັນກ່ຽວກັບຄຳຖາມຕໍ່ໄປນີ້:

ແທ້ໆແລ້ວ ພະເຈົ້າຢາກໃຫ້ເຮົາໃຊ້ຮູບບູຊາບໍ? ເຈົ້າຄິດວ່າເພິ່ນຮູ້ສຶກແນວໃດກັບການໃຊ້ຮູບບູຊາ?

ບາງສາສະໜາສອນວ່າພະເຢຊູເປັນພະເຈົ້າ ແຕ່ນັ້ນເປັນຄວາມຈິງບໍ. ອ່ານໂຢຮັນ 20:17 ແລ້ວລົມກັນກ່ຽວກັບຄຳຖາມຕໍ່ໄປນີ້:

ຂໍ້ຄຳພີນີ້ບອກວ່າແທ້ໆແລ້ວພະເຢຊູເປັນພະເຈົ້າບໍ?
ພະເຢໂຫວາໃຫ້ພະຍານຂອງເພິ່ນມາບອກຄວາມຈິງເລື່ອງເພິ່ນແລະພະເຢຊູ ເມື່ອຮູ້ແບບນີ້ແລ້ວເຈົ້າຮູ້ສຶກແນວໃດ?

6. ພວກເຮົາຮັກກັນ

ຄຳພີໄບເບິນປຽບທຽບຄລິດສະຕຽນແຕ່ລະຄົນວ່າເປັນຄືກັບອະໄວຍະວະຕ່າງໆໃນຮ່າງກາຍ. ອ່ານ 1 ໂກຣິນໂທ 12:25, 26 ແລ້ວລົມກັນກ່ຽວກັບຄຳຖາມຕໍ່ໄປນີ້:

ຄລິດສະຕຽນແທ້ຈະເຮັດຫຍັງຖ້າເຫັນໝູ່ຄລິດສະຕຽນເຈິກັບຄວາມຍາກລຳບາກ?
ເຈົ້າສັງເກດເຫັນຫຍັງທີ່ເຮັດໃຫ້ຮູ້ວ່າພະຍານພະເຢໂຫວາຮັກກັນແທ້ໆ?

ເມື່ອພະຍານພະເຢໂຫວາໃນບາງປະເທດເຈິກັບຄວາມຍາກລຳບາກ ພະຍານພະເຢໂຫວາຈາກທົ່ວໂລກກໍໃຫ້ຄວາມຊ່ວຍເຫຼືອທັນທີ. ໃຫ້ເຮົາມາເບິ່ງຕົວຢ່າງໜຶ່ງນຳກັນ ເປີດວິດີໂອ. ແລ້ວລົມກັນກ່ຽວກັບຄຳຖາມຕໍ່ໄປນີ້: