ແຕ່ງດອງ
ການແຕ່ງດອງມີທີ່ມາແນວໃດ?
ຄລິດສະຕຽນຄວນເລືອກໃຜເປັນຄູ່ແຕ່ງດອງ?
ເປັນຫຍັງຄລິດສະຕຽນແທ້ຈຶ່ງບໍ່ຍອມໃຫ້ລູກຊາຍຫຼືລູກສາວທີ່ຮັບບັບເຕມາແລ້ວແຕ່ງດອງກັບຄົນທີ່ບໍ່ໄດ້ເປັນຜູ້ຮັບໃຊ້ຂອງພະເຢໂຫວາທີ່ອຸທິດໂຕແລະຮັບບັບເຕມາ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 24:1-4, 7—ອັບຣາຮາມທີ່ເຖົ້າຫຼາຍແລ້ວໄດ້ຕັດສິນໃຈຫາເມຍໃຫ້ອີຊາກລູກຊາຍຂອງລາວຈາກຜູ້ທີ່ຮັບໃຊ້ພະເຢໂຫວາ ບໍ່ແມ່ນຈາກຄົນການາອານທີ່ນະມັດສະການພະເຈົ້າອື່ນໆ
ປຖກ 28:1-4—ອີຊາກບອກຢາໂຄບວ່າລາວບໍ່ຄວນແຕ່ງດອງກັບຜູ້ຍິງຄົນການາອານ ແຕ່ໃຫ້ຫາເມຍທີ່ຮັບໃຊ້ພະເຢໂຫວາ
ພະເຢໂຫວາຮູ້ສຶກແນວໃດເມື່ອຜູ້ຮັບໃຊ້ຂອງເພິ່ນແຕ່ງດອງກັບຜູ້ທີ່ບໍ່ມີຄວາມເຊື່ອ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
1ກສ 11:1-6, 9-11—ໂຊໂລໂມນເຮັດສິ່ງທີ່ຂັດກັບກົດໝາຍຂອງພະເຢໂຫວາໂດຍແຕ່ງດອງກັບຜູ້ຍິງຕ່າງຊາດແລະຍອມໃຫ້ຜູ້ຍິງເຫຼົ່ານັ້ນຊັກຈູງລາວໃຫ້ນະມັດສະການພະປອມ ພະເຢໂຫວາຈຶ່ງໃຈຮ້າຍໃຫ້ລາວຫຼາຍ
ນຮຢ 13:23-27—ຄືກັບພະເຢໂຫວາ ເນເຮມີຢາໃຈຮ້າຍຫຼາຍເມື່ອຜູ້ຊາຍຄົນອິດສະຣາເອນແຕ່ງດອງກັບຜູ້ຍິງຕ່າງຊາດທີ່ບໍ່ໄດ້ຮັບໃຊ້ພະເຢໂຫວາ ດັ່ງນັ້ນລາວຈຶ່ງຮ້າຍແລະເຕືອນເຂົາເຈົ້າ
ເປັນຫຍັງຈຶ່ງເປັນເລື່ອງທີ່ສະຫຼາດທີ່ຈະແຕ່ງດອງກັບຄົນທີ່ຮັບໃຊ້ພະເຢໂຫວາຢ່າງສັດຊື່ແລະມີຊື່ສຽງດີ?
ເບິ່ງ ອຟຊ 5:28-31, 33 ນຳ
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
1ຊມ 25:2, 3, 14-17—ນາບານເປັນຄົນຮັ່ງຫຼາຍ ແຕ່ລາວໃຈໂຫດຮ້າຍແລະເປັນຜົວທີ່ບໍ່ດີຂອງອາບີກາຍ
ສພສ 21:9—ຖ້າເຮົາບໍ່ເລືອກຢ່າງສະຫຼາດ ເຮົາຄືຊິເລືອກແຕ່ງດອງກັບຄົນທີ່ເຮັດໃຫ້ເຮົາບໍ່ມີຄວາມສຸກແລະຄວາມສະຫງົບສຸກນຳ
ຣມ 7:2—ອັກຄະສາວົກໂປໂລອະທິບາຍວ່າເມື່ອຜູ້ຍິງແຕ່ງດອງ ລາວຈະຢູ່ພາຍໃຕ້ອຳນາດຂອງຜົວທີ່ເປັນມະນຸດບໍ່ສົມບູນແບບ ດັ່ງນັ້ນ ຜູ້ຍິງທີ່ສະຫຼາດຈະເລືອກຄູ່ແຕ່ງດອງຢ່າງລະມັດລະວັງ
ການກະກຽມສຳລັບການແຕ່ງດອງ
ເປັນຫຍັງຜູ້ຊາຍຄວນກວດສອບໃຫ້ແນ່ໃຈວ່າລາວສາມາດເບິ່ງແຍງເມຍແລະລູກໄດ້ກ່ອນທີ່ລາວຈະເລີ່ມຄິດກ່ຽວກັບການແຕ່ງດອງ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ສພສ 24:27—ກ່ອນທີ່ຜູ້ຊາຍຈະແຕ່ງດອງແລະມີລູກ ລາວຄວນຈະເຮັດວຽກໜັກເພື່ອໃຫ້ລາວພ້ອມທີ່ຈະຫາລ້ຽງຄອບຄົວ
ເປັນຫຍັງຄົນສອງຄົນທີ່ກຳລັງຄົບຫາເບິ່ງໃຈກັນຈຶ່ງຄວນໃຫ້ຄວາມສຳຄັນກັບການຊອກຫາຄຳແນະນຳທີ່ສະຫຼາດຈາກຄົນອື່ນແລະເຮັດຄວາມຮູ້ຈັກກັນໃຫ້ດີແທນທີ່ຈະສົນໃຈແຕ່ຮູບຮ່າງໜ້າຕາ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ນຣ 2:4-7, 10-12—ໂບອາດໄດ້ຮູ້ວ່າຣຸດເປັນຜູ້ຍິງແບບໃດຈາກການເຝົ້າເບິ່ງວ່າລາວເຮັດວຽກໜັກສ່ຳໃດ ລາວປະຕິບັດຕໍ່ນາໂອມີແນວໃດ ໂດຍການຟັງລາຍງານກ່ຽວກັບລາວຈາກຄົນທີ່ໄວ້ໃຈໄດ້ ແລະໂດຍການເບິ່ງວ່າລາວຮັກພະເຢໂຫວາຫຼາຍສ່ຳໃດ
ນຣ 2:8, 9, 20—ຣຸດເຫັນວ່າໂບອາດເປັນຄົນໃຈດີ ມີໃຈກວ້າງຂວາງ ແລະໂບອາດຮັກພະເຢໂຫວາ
ເປັນຫຍັງພະເຢໂຫວາຈຶ່ງຮຽກຮ້ອງໃຫ້ຄູ່ຮັກຮັກສາຄວາມສະອາດທາງສິນລະທຳໃນລະຫວ່າງທີ່ຄົບຫາກັນແລະໝັ້ນກັນ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ສພສ 5:18, 19—ວິທີສະແດງຄວາມຮັກບາງວິທີມີໄວ້ສຳລັບຄູ່ທີ່ແຕ່ງດອງແລ້ວເທົ່ານັ້ນ
ພຊມ 1:2; 2:6—ຄົນລ້ຽງແກະແລະສາວເມືອງຊູເລມສະແດງຄວາມຮູ້ສຶກຕໍ່ກັນດ້ວຍວິທີທີ່ເໝາະສົມ
ພຊມ 4:12; 8:8-10—ສາວເມືອງຊູເລມສະແດງໃຫ້ເຫັນການຄວບຄຸມໂຕເອງ. ລາວປຽບຄືກັບສວນທີ່ມີຮົ້ວອ້ອມໄວ້
ເປັນຫຍັງຄູ່ຮັກຕ້ອງແຕ່ງດອງກັນຕາມຂໍ້ກຳນົດທາງດ້ານກົດໝາຍ?
ໜ້າທີ່ຮັບຜິດຊອບຂອງຜົວ
ພະເຢໂຫວາຄາດໝາຍຫຍັງຈາກຜົວ?
ຜູ້ຊາຍທີ່ແຕ່ງດອງແລ້ວຄວນເຮັດຕາມຕົວຢ່າງອັນໃດ?
ເປັນຫຍັງຜົວຈຶ່ງຕ້ອງສະແດງວ່າລາວຮັກເມຍແລະເຂົ້າໃຈຄວາມຕ້ອງການແລະຄວາມຮູ້ສຶກຂອງເມຍ
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 21:8-12—ພະເຢໂຫວາສັ່ງອັບຣາຮາມໃຫ້ຟັງຊາຣາເມຍຂອງລາວ ເຖິງວ່າລາວບໍ່ມັກຄຳແນະນຳຂອງຊາຣາ
ສພສ 31:10, 11, 16, 28—ຜົວທີ່ສະຫຼາດເຊິ່ງມີເມຍທີ່ດີຈະບໍ່ຄວບຄຸມເມຍຫຼືຊອກຫາຂໍ້ເສຍໃນໂຕເມຍ. ແທນທີ່ຈະເຮັດແນວນັ້ນ ລາວຈະເຊື່ອໃຈເມຍແລະຊົມເຊີຍເມຍ
ອຟຊ 5:33—ອັກຄະສາວົກໂປໂລສະແດງໃຫ້ເຫັນວ່າເມຍຈຳເປັນຕ້ອງຮູ້ວ່າຜົວຮັກເມຍ
ໜ້າທີ່ຮັບຜິດຊອບຂອງເມຍ
ພະເຢໂຫວາໃຫ້ເມຍມີໜ້າທີ່ຮັບຜິດຊອບສຳຄັນຫຍັງ?
ໜ້າທີ່ຮັບຜິດຊອບຂອງເມຍເປັນສິ່ງທີ່ຕ່ຳຕ້ອຍບໍ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ສພສ 1:8; 1ກຣ 7:4—ພະເຈົ້າໃຫ້ຜູ້ທີ່ເປັນເມຍແລະແມ່ມີອຳນາດລະດັບໜຶ່ງໃນຄອບຄົວ
1ກຣ 11:3—ອັກຄະສາວົກໂປໂລອະທິບາຍວ່າເຮົາທຸກຄົນມີຜູ້ນຳ ຍົກເວັ້ນພະເຈົ້າຜູ້ມີລິດເດດສູງສຸດ
ຮຣ 13:7, 17—ໃນປະຊາຄົມ ທັງຜູ້ຊາຍແລະຜູ້ຍິງຈຳເປັນຕ້ອງຮ່ວມມືແລະເຊື່ອຟັງຜູ້ທີ່ໄດ້ຮັບມອບໝາຍໃຫ້ເປັນຜູ້ນຳໜ້າ
ເມຍຄລິດສະຕຽນຂອງຜູ້ທີ່ບໍ່ມີຄວາມເຊື່ອຈະເຮັດໃຫ້ພະເຢໂຫວາມີຄວາມສຸກໄດ້ແນວໃດ?
ເປັນຫຍັງເມຍຄລິດສະຕຽນຄວນນັບຖືຜົວ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 18:12; 1ປຕ 3:5, 6—ຊາຣາເຄົາລົບນັບຖືອັບຣາຮາມຢ່າງເລິກເຊິ່ງແລະຄິດວ່າລາວເປັນ “ນາຍ”
ເມຍແບບໃດທີ່ຄຳພີໄບເບິນຍົກຍ້ອງ?
ຕົວຢ່າງໃນຄຳພີໄບເບິນທີ່ສາມາດຊ່ວຍເຮົາໄດ້:
ປຖກ 24:62-67—ເຣເບກາຊ່ວຍອີຊາກຜົວຂອງລາວໃຫ້ມີກຳລັງໃຈຂຶ້ນຫຼັງຈາກທີ່ເສຍແມ່ໄປ
1ຊມ 25:14-24, 32-38—ອາບີກາຍປົກປ້ອງຜົວທີ່ໂງ່ຂອງລາວແລະຊ່ວຍຄອບຄົວຂອງລາວໂດຍການອ້ອນວອນດາວິດດ້ວຍຄວາມຖ່ອມໂຕເພື່ອໃຫ້ດາວິດສະແດງຄວາມເມດຕາ
ອສທ 4:6-17; 5:1-8; 7:1-6; 8:3-6—ລາຊີນີເອັດສະເທີສ່ຽງຊີວິດເຖິງສອງເທື່ອໂດຍການເຂົ້າໄປຫາຜົວຂອງລາວແລະອ້ອນວອນຜົວໃຫ້ຊ່ວຍປົກປ້ອງປະຊາຊົນຂອງພະເຈົ້າທັງໆທີ່ຜົວບໍ່ໄດ້ເອີ້ນລາວໃຫ້ໄປຫາ
ການແກ້ໄຂບັນຫາ
ຫຼັກການອັນໃດທີ່ສາມາດຊ່ວຍຄູ່ແຕ່ງດອງໃຫ້ແກ້ໄຂບັນຫາໃນຊີວິດແຕ່ງດອງ?
ຫຼັກການອັນໃດທີ່ຈະຊ່ວຍໃຫ້ຄູ່ແຕ່ງດອງຕັດສິນໃຈເລື່ອງເງິນໄດ້ດີ?
ລກ 12:15; ຟລປ 4:5; 1ຕມ 6:9, 10; ຮຣ 13:5
ເບິ່ງ “ເງິນ” ນຳ