Taitiɛ E Yɛpɛzu Te Wɔ Ɣaa-Ɓaa Ga Nii E Bosu E Te Yii Zo

Proverbs 3:1

NIITIƐ MAA NƐƐ E KƐ: Taitiɛ e yɛpɛzu te wɔ, ɓɔ te va te zaɓui wɛ̃ɛ e kɛɛ e yɛpɛzu e vile fai na va. Na ɣa ɣɛɛna ɓɔ te va ga te ziɛ ga tɛnɛgoi na.

VELEI YA NA ƔƐƐ LA:

• Ɓɔ numaitiɛ va ga te ɣi-gaa-ziɛ faitiɛ ma é te ɣigii zu. Gaa-zaɣa-kɛɛ taniga wo ga ya ɓɔ te va ga te ɣi-gaa-ziɛ faitiɛ ma é te ɣigii zu.

• Pɛɛ ɣibɛ ga taitiɛ e yɛpɛzu te wɔ, te wõini te faa vagɔ ɣɛ. Ɓɔ te va te zaɓui wɛ̃ɛ e kɛɛ ta faa vagɔ ɣɛ. Ɓɔ te va te zaɓui wɛ̃ɛ e kɛɛ wõila te ya Jehova ʋaa ma, numaa ɓalaaga, e vɛɛ kalabogi va te maa zɔlɔ wosu Gala Kɔlɔi zu. Numaitiɛ e yɛpɛzu te wɔ, ɓɔ te va te kwɛ̃ɛ ga Gala Kɔlɔi zu ɣa da tɛnɛ pagɔ sɔlɔ wona, lɛ ga e bo te ma. Mɛlɛ kɛ te yii ɔ zuuli. Maa nɛɛ numaitiɛ te gaa-ɓaa zɔlɔwo ga te ɣaa-ɓaa Jehova ʋile ʋai zu ani ya wolona ya yɛpɛi ʋee zu.

• Ɓɔ numaitiɛ va ga te ɣaazu ɓado Jehova va. Ɓɔ te va ga te kwɛ̃ɛ velei Gala Kɔlɔi Jehova luɓo-veleitiɛ ɓɔga na wõilai lɛɛ la ga diɛ. Ɓɛ te zaɓui wɛ̃ɛ e kɛɛ e ga faa vagɔ ga diɛ ɣi-gaa-ziɛ siɛ nɛpɛ ma niitiɛ ma Jehova wõini la, na ɣa ɣɛɛna diɛ te ɣɛ.