Velei Maa Nɛɛ E Ya Yɛpɛi Laa Wulo La Ga Pagɔ

Ecclesiastes 12:13, 14

NIITIƐ MAA NƐƐ E KƐ: Ya ɣɛna zɛpɛi laa wulozu, ɓɔ numaitiɛ va ga te yee zei niitiɛ wu te maa wolia na ɣa ɣɛɛna te ziɛ la.

VELEI YA NA ƔƐƐ LA:

• Maa nɛɛ zɛpɛ wũgi ɓɔga zɛpɛi laa wulo zuvɛ te vile kii la. Yɛpɛ e vile zɛpɛ wũgi va wɔnɔ ɔɔ e yɛpɛ e vile faa ɓigitiɛ va pele ɓalaa su.

• Ɓɔ numaitiɛ va te ziɛ ga nii te maa wolizu. Dɛ ga numaitiɛ niitiɛ maa nɛɛ te kɛ, na ɣa ɣɛɛna e zaɓui lɛ e kɛɛ maa nɛɛ te kɛ. Nii e bosu maa nɛɛ e wulo ɓɔɔ e ɣisu na ɣa ɣɛɛna e dɛ ga e laavɛ la.

• Mɛlɛ ya yɛpɛi laa wulo zuvɛ zu wooza, ɔɔ nɔ ɣɛ ga e pili-pili su. Mɛlɛ yɛpɛ sa e vile faa niinɛ va. Mɛlɛ woo lamaa wo, ɓɔ numaitiɛ va te ziɛ ga niitiɛ te maa wolia.