AUGUST 5-11

PSALMS 70-72

Gui 59 ɓɔga Gala-Feliai | Niitiɛ De Vaazu Maa Wolizu (Militi 1)

TƐNƐGOITIƐ TE GALA KƆLƆI ZU

1. “Ge Yɛpɛi Na Wulu Numaitiɛ Wɔ” E Vile Ya Ɣaa-Ɓai Va

(Militi 10)

Deeve kwɛ̃ɛni ga Jehova ɣa ɓɔsu ba siɛgi ma e ɣɛni ga nu niinɛ (Ps 71:5; w99-E 9/1 18 ¶17)

Jehova ɓɔni Deeve va siɛgi ma e wɔlɔ-zaɣani la (Ps 71:9; g04-E 10/8 23 ¶3)

Devee nu niinɛitɛ ɣaa nɛkpɛni tei e yɛpɛni te wɔ e vile niitiɛ va e leveni su (Ps 71:17, 18; w14-E 1/15 23 ¶4-5)

De yɛpɛni e vile kaala ta va dɔwɔi nii e levega ma yɛpɛ wũgi ga “Tɛnɛgoitiɛ Te Kaala Ɣala Kɔlɔ Maa Woliai Ʋaa Ma.” Te kawɔlɔi nii ɓɔga ŋazai liligɛ ta ɣaala Ɣala Kɔlɔ maa woliai ɣɛɛ zuvɛ na ɣa ɣɛɛna ta wuitozu ɓɔɔ ga pagɔ niitiɛ tiɛ footeitiɛ lɛ tiɛ yɛpɛ e vile niitiɛ va te levega su.

ƔI-GAA-ZIƐ GAA-ZAƔA-KƐƐ NII MA, ‘Ɓɛɛ ɣa ɓɔɔ e lebiga Jehova ʋeli ʋai zu ga e kuuwui zu ga ge wõini ge gaa-zaɣa-kɛ ga ɣɛna Kalaa Ɣala Kɔlɔ Maa Woliai ɣɛɛzu?’

2. Faa Vagɔitiɛ Te Gala Kɔlɔi Zu

(Militi 10)

Ps 72:8—Ki-togi Jehova boni ga Eeɓɔlɔhɛ̃ɛ Genesis 15:18 zu, e ɣɛɛni ɣɛ le Masagi Salamɔ̃ na siɛgi zu? (it-1-E 768)

Gaa wotegi wonɛ vɛ
Zɛɓɛi e maa wolia dɔwɔi nii ma Ɣala Kɔlɔ lodogai zu e wõini e yɛpɛ e vile ba?

Gaa wotegi wonɛ

3. Gala Kɔlɔ Lodogai

(Militi 4) Ps 71:1-24 (th kalabo 5)

VELEI DA GALA GOO WOTII ƔƐƐ LA GA PAGƆ

4. Zɛpɛi Lɔɔ-Zei

(Militi 3) GALA GOO WO FAI PƐLƐITIƐ LA. Ani pɛlɛ la nui ɣa kɛɛna ga kpɔi, zɛpɛi laa wulo ga pagɔ. (lmd kalabo 4 baa veke 5)

5. ƔAA-ƁAA YIƐ LI WULU

(Militi 4) GALA GOI NII YA BO ANI ƁALAA Ɛ LƐ LIINI GALA GOO WOSU. Yɛpɛ ya nui nii wɔ wa tɔ wo yɛpɛni wɔlɔ, kɛ e boga ga ɛ lɛ wõini c Gala Kɔlɔ maa woliai lɔɔ-zei. (lmd kalabo 8 baa veke 4)

6. Niitiɛ E Lai La Ɣaa-Ɓaa E Dɛ Ga Numaa

(Militi 5) Zɛpɛi. ijwfq-E 49—Zɛpɛ Wũgi: Zɛɓɛi E Kɛɛ Niitiɛ Jehova Na Seeleitiɛ Te Lai La Ta Taniga Maa Ʋelibo? (th kalabo 17)

VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA

Gui 76

7. NII YA KƐ KAALA ƔALA KƆLƆI MAA WOLIA ZU

(Militi 15) A yɛpɛ e vile ba.

Kaalai ɓɔɔ ɣa wɔnɔ te loni tiɛ da wui ta loo.

Ma kaalai ɣaa wɔnɔ tiɛ wɛlɛ ʋiliogi nii va ta kpɛtɛ ɣalu nɛpɛ.

Te lui gila ɣa dee ɣaa wotesu Kaala Ɣala Kɔlɔ maa wolia ɣɛɛ zuvɛ.

Kaala Ɣala Kɔlɔ Maa Woli ziɛgi ɣa ga siɛ pagɔ ga lopaitiɛ te faa maa woli e vile “de maliɣii na tuoi” va. (Ɛfɛ 6:4) Faa maa woli ʋai ɣa ga tii, kɛ wa ma-ɣaa-nɛɛ wulo ani lopaitiɛ ta wõina ga gaamai e Gala Kɔlɔi zu. (Jɔ̃ 6:27; 1Pi 2:2) A yɛpɛ e vile kologi nii va “Nii Ya Kɛ Kaala Ɣala Kɔlɔi Maa Wolia Zu,” ga e ɓɔ duu kɛɛ veaitiɛ va ga te Kaala Ɣala Kɔlɔ Maa Woliai ɣɛ ga siɛgi ta faa maa woli te ma-ɣaa-nɛɛ wulo. Na ɣa ɣɛɛna a gaa-zaɣa-kɛɛ niitiɛ ɣaa wote:

Fai taniga ta ga zɛɓɛ bogɛi ga wo wõini wo ziɛ la?

Gaa wotegi wonɛ vɛ
E faa taniga vɛtɛgɛ ga wa zoo wo wulo su-nu-ma?

Gaa wotegi wonɛ vɛ

NII YA KƐ KAALA ƔALA KƆLƆI MAA WOLIA ZU

GALA KƆLƆI:

A wuito dɔwɔi ma Ɣala Kɔlɔ lodogai ma ɔɔ wo dodo ga woo wala. Waitiɛ wo kaalai zu wa vɛitiɛ lodo nu ɣile-giledaitiɛ te yɛpɛzu na Gala Kɔlɔi goi naitiɛ zu
A gaa-zaɣa-kɛɛ niitiɛ ɣaa wotegi ɣaa-ziɛ te vilegɛi dɔwɔi na ma Ɣala Kɔlɔ lodogai va. Bo te ma ga te gaa-zaɣa-kɛɛ gile siɣi te ɣile-giledaitiɛ ga te gaa wotegi ɣaa-ziɛ. Na ɣa ɣɛɛna te dɛ nii te maa wolia
Gaa-zaɣa-kɛɛ wo ɔɔ e fai ta wo ga ya ɣɛ na ɣa ɣɛɛna wo faa maa woli e vile tɛnɛgoitiɛ va te Gala Kɔlɔi zu kɔlɔi nii zu Scriptures for Christian Living ga wo ziɛ la
A po-kɔ̃ɔ-mai ta ɣɛ e vile fai ta va Gala Kɔlɔi yɛpɛi e vile ba
Gala goi taniga wonɛ kɔlɔi ma dɔwɔ nɛpɛ, taniga ta ga niitiɛ te ki-daa-wodo maa wũgi zu bolosiɛ nii zu Wõi Ga Numaa—Te Ɣalabo, na ɣa ɣɛɛna wo ɣaa-ɓaa wo ɣigii ɣɛ te zu. A wɛlɛ niitiɛ maazu va wo ponɛni dɔwɔi nii tevegɛi
A ŋadai ta maa woli kɔlɔi nii zu Yii-Ma Ɣɛ Wɔlɔ-Wɔlɔ Ta Wɔlɔ-Wɔlɔ!
Bo numaa taniga ma ya ɣaalai zu ga te yɛpɛ e vile kɔlɔ zɛvɛi ta va te vɛ ponɛi na ga “Bible Questions Answered” ɔɔ “Bible Verses Explained,” ya naa vɛtɛ vɛ ponɛi na ga BIBLE TEACHINGS jw.org ʋãga wɔlɔi ma

GAALƐ-BAI:

Ŋadai ta ɣavele ɓɛtɛ gaalɛ-ɓai ʋaa ma
A ɣavele ɓɛtɛ na ɣa ɣɛɛna wo lɛ gaa-zaɣa-kɛitiɛ ɣaa wotegitiɛ ma wo wõini wo fe. Wɛlɛ siɛgi va wo vaazu siɣizu ga wo gaa wote
A da ɣaalɛ-bai ma wui ta maa woli
A yɛpɛ e vile nii va wa bo ga wo nu ɣaa nɛkpɛ na ɣa ɣɛɛna wo maa woli ga velei wa na ɣɛɛ la gaalɛ-ɓai zu ɔɔ ani gaalɛ-ɓai ɣa wolona
A po-kɔ̃ɔ-mai ta maa woli ga kaalai zu nui ta vaazu kɛɛzu gaalɛ-bai zu kaalai ɣaazu

GALA GOO WO SUVƐ:

A ɣavele ɓɛtɛ ani wa ɣɛna liizu Gala goo wosu pɛlɛitiɛ la
A ɣavele ɓɛtɛ ani wa ɣɛna liizu daali-ma fele kelei ma
A ɣi-gaa-ziɛ ga velei wa Gala goo wo da ani wɛ lɛ ɣɛ liini Gala goo wosu, na ɣa ɣɛɛna wo ɣavele ɓɛtɛ ga wo yɛpɛ wõila vele zu
A yɛpɛ e vile velei va wa ɣaa-ɓaa la Gala goo wotii zu ɣi-zɛzu ɣaalɛ-bai ma ziɛgi zu ɔɔ ani wɛ lɛ tii ɣɛɛzu ɔɔ lopaitiɛ tɛ lɛ kɔlɔ vɛlɛ wu

NIITIƐ MAA NƐƐ KAALAI KƐ:

A po-kɔ̃ɔ-ma ɣɛ ga velei wa fai ta ɣaa wolo la ba ga e ɣɛɛ ɔɔ ɣeeta e vaazu ɣɛɛzu, ta ɣa ga velei nu ɣa dɛɛ la ga zee lɛ zui zu ʋai zu, ta ɣɛna ŋɛɛ wolozu nu zu, ŋaza nu ɔɔ zunu ɣaa-ziɛ ʋaa, ɔɔ gaalɛ-bai taniga
A po-kɔ̃ɔ-ma ɣɛ ga duu kɛɛ veaitɛ te ɓɔɔ wulo e ɣɛ tiɛ ɣa te ga lopaitiɛ na ɣa ɣɛɛna lopaitiɛ te ɣɛ ga duu kɛɛ veaitiɛ. Lopaitiɛ ta faa maa woli e vile zɛpɛ wũgi va na ɣa ɣɛɛna te yɛpɛ e vile ba te ɣaa veaitiɛ wɔ

FAA TANIGA WƆNƆ YA ƁƆ WO VA:

A wɛlɛ JW Ʋiliogi nii ta va, ta kpɛtɛ ɣalo nɛpɛ® wo yɛpɛ e vile ba
A kɔlɔi ta lodo ɔɔ wo wɛlɛ ʋiliogi ta va jw.org ʋãga wɔlɔi ma, na ɣa ɣɛɛna wo yɛpɛ e vile ba
A yɛpɛ e vile faa taniga va te vɛ “Nu Niinɛitiɛ Ɓɔga Niitiɛ Te Ɣɛɛ Dɛ Nɔ Ga Kpakolo” ɔɔ “Lopaitiɛ” tɔ vɛ ponɛɛ na ga “KALA-BOGITIƐ TE GALA KƆLƆI ZU” e jw.org ʋãga wɔlɔi ma
A wɛlɛ ki-daa-wodoi taniga va wo ponɛni siɛgi wo ɣɛni gaalɛ-ba walai ta zu
A Jehova ɓɛtɛ ŋɛnii ta maa ɓɛɛ ɔɔ wo faa maa woli e vile ba, na ɣa ɣɛɛna wo yɛpɛ e vile nii va e dɛɛ e vile Jehova va
Siɛ ta zu ya nui ta lili ga e vɛɛ wo va, na ɣa ɣɛɛna wo gaa-zaɣa-kɛ
A faa taniga leʋe ga wa kɛ Jehova ʋeli ʋai zu, na ɣa ɣɛɛna wo yɛpɛ e vile velei va wa kɛɛ la
A faa taniga ɣɛ kii-ma, ta ɣa ga wo ŋɛnii ta ɓɛtɛ, wo kɔlɔi ta ɓɛtɛ ya ŋada lɛ ga nu, ɔɔ wo kɔlɔi ta ɓɛtɛ e vile fai ta va

ƲILIOGI lɛ ga Ɣaa-Ɓaa Yiɛ Kaala Ɣala Kɔlɔ Maa Woliai Ɣɛ Ga Pagɔ. Na ɣa ɣɛɛna e numaitiɛ ɣaa-zaɣa-kɛ:

Zunui ɣa leve ɣɛ le ga ŋazai kaala Ɣala Kɔlɔ maa woliai ma-ɣaa-nɛɛ wulo ani duu lɛ te ya?

Ga wotegi wonɛ vɛ

8. Gala Kɔlɔ Maa Woli Ʋai Kuuwui Zu

(Militi 30) bt toso 13 ¶17-24