KALABO 6

Zaɓui E Gala Kɔlɔi Lodosu Ma, Gaa Ɣɛ Kala

Jɔ̃ 10:33-36

NIITIƐ MAA NƐƐ E KƐ: Mɛlɛ nɔ Gala goi ta lodo ɔ li faa ɓigii ta ɓalaa pɔ zɛpɛi zu. Ɓɔ numaitiɛ va te kwɛ̃ɛ velei Gala goi e dodoga, pilegɛi la niitiɛ va e yɛpɛzu e vile ba.

VELEI YA NA ƔƐƐ LA:

Woo ɓigiitiɛ wulosu. Ya wolona Gala goi ta lodosu, woo ɓigii niitiɛ te yɛpɛzu e vile nii va e yɛpɛzu e vile ba, te wuloba leilaa. Ɣeeta ya woi natiɛ wo kɔnɔ ɔɔ e gaa-zaɣa-kɛɛ wo ya ɓɔ te va te woi naitiɛ vɛtɛ.

Ani ya su-wulo-zu ga woo ɓalaa, ɣaa-ɓaa ga numaitiɛ te kwɛ̃ɛ velei Gala goi na vilegɛi la zɛpɛ wũgi na va.
Faa ɓigii ɣaa ɣɛ kala. Ani ya yɛpɛna e vile Gala goi ta va ga e wõini e dodo, dɛ ga velei woo ɓigiitiɛ te Gala goi na zu te vilegɛi la zaɓui va e kɛɛ yiɛ dodo.

Ya ɣɛna Gala goi na zu-wulo-zu, mɛlɛ ya Ɣala Kɔlɔi laa wulu. Na ɣa ɓɔ niitiɛ va te wuitosu ga te kwɛ̃ɛ velei Gala goi na vilegɛi la nii va e bosu.
Gaa wodo ga velei ta ziɛ la ga tɛnɛgoi e Gala goi na zu. Mɛlɛ yɛpɛ e vile niitiɛ va tɛ lɛ ɓɔga numaitiɛ va ga te faa ɓigii ɣaa ɣa. Kwɛ̃ɛ niitiɛ numaitiɛ te kwɛ̃ni e vile zɛpɛ wũgi na va. Na ɣa ɣɛɛna deʋe sa niitiɛ ya bo ga te faa ɓigii ɣaa ɣa ɓɔɔ kala.