Likupuliso za Kupuzo

Mukiti wa kupuzo u ka ba la Sunda, March 23. Maeluda ba swanela ku isa mamelelo kwa litaba ze latelela:

◼ Mwa ku toma nako ya mukopano, mu bone teñi kuli liswanisezo ha li na ku tambekwa konji ku fitela lizazi ha se li likezi.

◼ Mañi ni mañi, hamohocwalo ni mubuleli, ba swanelwa ku zibiswa ka za nako tenyene ni sibaka sa ko ku ka ezezwa mukiti.

◼ Mufuta o swanela wa sinkwa ni veine li swanelwa ku fumanwa ni ku lukiselezwa cimo.—Mu bone Tora ya ku Libelela ya February 1, 1985, likepe 10.

◼ Mikekana, litambula, ni tafule ye swanela ni lisila la ku yala teñi li swanelwa ku tiswa kwa ndu ni ku beiwa cimo fo li swanela ku ina.

◼ Ndu ya Mubuso kamba sibaka se siñwi sa mukopano si swanelwa ku keniswa ka ku tala ka ku itahanela.

◼ Bababaleli ni ba ba fitisa liswanisezo ba swanela ku ketiwa ni ku laelwa ka bunako ka za muezezo o swanela ni misebezi ya bona.

◼ Litukiso li swanelwa ku eziwa za ku iseza liswanisezo ku ba ba tozizwe bafi kamba bafi ba se ba katezi kwa mubili mi ba palezwi ku fumaneha teñi.

◼ Ha ku tomahanyizwe mikiti ye fitelela u li muñwi mwa Ndu ya Mubuso ye swana, ku swanela ku ba ni ku onga-onga ko kunde mwahal’a liputeho ili ku pima ku sinanelwa ko ku sa tokwahali mwa sibaka sa makenelo, munyako, tunzila twa ku zamaya teñi twa nyangela, ni mayemisezo a limota.

◼ Mu si ke mwa eza inge kuli liswanisezo li na ni m’ata a ipitezi. Ba bañwi ba ikinamiselize toho ya bona kwa liswanisezo kamba ku li nunka. Seo ha si swaneli.

◼ Ha ku na tokwahalo ya ku opela ha ku tambekwa liswanisezo. (Mu tambeke, isiñi ku ‘zamaya ni’ liswanisezo.)

◼ Mu be ni tokomelo ya ku sa ikekeleza lipalo za baputehi.

◼ Batu ba ba zwisizwe mwa puteho ba lumelezwa ku fumaneha teñi mi ba balwa. Niteñi, mu si ke mwa bala mutu ya zwisizwe mwa puteho kamba mutu ufi kamba ufi ya si ka kolobezwa kuli ki muci.