(1) Puzo, (2) Liñolo, ni (3) Kauhanyo

Nzila ye bunolo ya ku fa ka yona buka ya Bibele I Lutañi Luli? ki ya (1) ku buza batu puzo ya mo ba ngela lika, (2) ku bala liñolo le li swanela, ni (3) ku bonisa kauhanyo ya mwa buka ye tolongosha taba yeo ka ku bala lipuzo za kwa makalelo ze mwatas’a toho ya taba ya kauhanyo. Haiba muñ’a ndu a bonisa cisehelo, mwa kona ku bonisa mwa ku itutela Bibele ka ku itusisa maparagilafu a pili a yona kauhanyo yeo. Muatumelo wo wa kona ku itusiswa kwa ku kalisa tuto fa musipili wa pili kamba fa musipili wa makutisezo.

◼ “Kana mu nahana kuli batu-tu fela ba kona ku fita fa ku ziba Mubupi wa luna ya m’ata ote, sina mo i bulelela Bibele fa liñolo le?” Mu bale Likezo 17:26, 27, mi mu litele kalabo. Kihona mu ka ya kwa kauhanyo 1.

◼ “Bakeñisa matata e lu kopana ni ona kacenu, kana mu nahana kuli kwa konahala ku fumana ku tiiswa ni sepo ze talusizwe mwa liñolo le?” Mu bale Maroma 15:4, mi mu litele kalabo. Kihona mu ka ya kwa kauhanyo 2.

◼ “Kana ne mu ka kona ku eza licinceho ze ha ne mu ka fiwa m’ata a ku eza cwalo?” Mu bale Sinulo 21:4, mi mu litele kalabo. Kihona mu ka ya kwa kauhanyo 3.

◼ “Kana mu hupula kuli muta o muñwi bana ba luna ba ka ikola miinelo ye bulezwi mwa pina ye ne i ñozwi kale ye?” Mu bale Samu 37:10, 11, mi mu litele kalabo. Kihona mu ka ya kwa kauhanyo 3.

◼ “Kana mu hupula kuli manzwi a a ka talelezwa muta o muñwi?” Mu bale Isaya 33:24, mi mu litele kalabo. Kihona mu ka ya kwa kauhanyo 3.

◼ “Kana mu kile mwa ipuza haiba ba ba shwile ba ziba ze ba eza ba ba pila?” Mu litele kalabo. Kihona mu ka bala Muekelesia 9:5, ni ku ya kwa kauhanyo 6.

◼ “Kana mu nahana kuli muta o muñwi lu ka kona ku bona balatiwa ba luna ba ba shwile, sina mwa n’a bulelezi Jesu mwa litimana ze?” Mu bale Joani 5:28, 29, mi mu litele kalabo. Kihona mu ka ya kwa kauhanyo 7.

◼ “Mu hupula kuli tato ya Mulimu i ka ezwa cwañi mwa lifasi sina mo i ezezwa kwa lihalimu, ka mo ku taluselizwe mwa tapelo ye zwile mubano ye?” Mu bale Mateu 6:9, 10, mi mu litele kalabo. Kihona mu ka ya kwa kauhanyo 8.

◼ “Kana mu hupula kuli lu pila mwa nako ye talusizwe ki bupolofita bo?” Mu bale 2 Timotea 3:1-4, mi mu litele kalabo. Kihona mu ka ya kwa kauhanyo 9.

◼ “Batu ba bañata ba ipuza libaka manyando a batu h’a nz’a ekezeha. Kana mu kile mwa nahana kuli mwendi taba ye bulezwi kwa liñolo le kona ye tahisa manyando?” Mu bale Sinulo 12:9, mi mu litele kalabo. Kihona mu ka ya kwa kauhanyo 10.

◼ “Kana mu kile mwa bata ku ziba kalabo ya puzo ye swana sina ye?” Mu bale Jobo 21:7, mi mu litele kalabo. Kihona mu ka ya kwa kauhanyo 11.

◼ “Kana mu nahana kuli ku mamela kelezo ye ya Bibele ne ku ka tusa batu ku ikola bupilo bwa lubasi bo bunde?” Mu bale Maefese 5:33, mi mu litele kalabo. Kihona mu ka ya kwa kauhanyo 14.

Tuto ya kona ku bihiwa ha se i zamaisizwe habeli hamulaho wa ku bonisa mo ku itutelwa, ni ha se mu ikolwisize kuli tuto i ka zwelapili.