Kuekeza Kwa Buikoneli Bwaluna Mwa Bukombwa​—Kuitusisa Hande Lipuzo

LIBAKA KUEZA CWALO HAKULI KWA BUTOKWA: Haiba “mihupulo ya mwa pilu ya mutu iswana sina mezi a kwatasi hahulu,” uzibe lipuzo liswana sina sikiso sesiyo shitula mihupulo yeo. (Liprov. 20:5) Lipuzo litusa kuli bateelezi baluna ni bona babulele maikuto abona. Hamubuza lipuzo zeketilwe hande, bateelezi bamina bakaalaba likalabo zekamitusa kuziba maikuto abona. Jesu naaitusisanga hande lipuzo. Lukona kumulikanyisa cwañi?

MWAKUEZEZA CWALO:

• Mubuze lipuzo zekatahisa kuli mutu ataluse mubonelo wahae. Jesu naabuzanga lipuzo zeshutana-shutana kuli azibe mubonelo wa balutiwa bahae. (Mat. 16:13-16; be 238 ¶3-5) Ki lipuzo zecwañi zelukona kubuza kuli luzibe mubonelo wa batu?

• Mubuze lipuzo zelibisa kwa likalabo. Kuli ahakulule mubonelo wa Pitrosi, Jesu naabuzize lipuzo zenetahisize kuli Pitrosi abe ni mubonelo olukile. (Mat. 17:24-26) Ki lipuzo mañi zelibisa kwa likalabo zemukona kubuza mutu kuli afite fa kuba ni mubonelo olukile?

• Mubabaze mutu yemuambola ni yena. Muñoli yomuñwi ‘hanaalabile ka kutwisiso,’ Jesu naamubabalize. (Mare. 12:34) Mukona kubabaza cwañi mutu yemuambola ni yena haalabile hande puzo?

MUBUHE KALULO YAPILI YA VIDIO YELI MUEZE MUSEBEZI WANAAEZIZE JESU—KULUTA, KIHONA MUKAALABA LIPUZO ZELATELELA:

• Nihaike kuli litaba ze mwa puisano yani linepahalile, ki kabakalañi mulutelo wale haufosahalile?

• Ki kabakalañi halusa swaneli kutalusanga feela litaba zebonisizwe?

MUBUHE KALULO YABUBELI YA VIDIO YE, MI KIHONA MUKAALABA LIPUZO ZELATELELA:

• Muzwale naaitusisize cwañi hande lipuzo?

• Ki lika mañi zeñwi zelukona kuituta kwa mulutelo wahae?