Weche mag Ndalo Mokwongo
7 Yawuot Isakar ne gin Tola, Pua, Jashub, gi Shimron.+ Ne gin yawuoyi ang’wen. 2 To yawuot Tola ne gin Uzi, Refaya, Jeriel, Jamai, Ibsam, kod Shemuel. Ne gin jotelo mag anyuolagi. Nyikwa Tola ne gin jolweny mathuondi. E kinde Daudi kwan-gi ne chopo 22,600. 3 Izrahia ne en wuod Uzi, to Izrahia nonyuolo Mikael, Obadia, Joel, kod Ishia. Giduto kargi ji abich ne gin jotelo. 4 Gin kaachiel kod nyikwagi, kaluwore gi dhoutgi, ne gin gi jolweny 36,000 ma ne dhi e lweny, nimar ne gin gi mon kod nyithindo mang’eny. 5 Kendo owetegi mamoko e anyuola mar joka Isakar duto ne gin jolweny 87,000 maroteke ma ne ondik kaluwore gi tiengegi kod anyuolagi.+
6 Yawuot Benjamin+ ne gin Bela,+ Beker,+ kod Jediael.+ Ne gin yawuoyi adek. 7 To yawuot Bela ne gin Ezbon, Uzi, Uziel, Jerimoth, kod Iri. Giduto kargi ji abich ne gin jotelo kendo jolweny maroteke e anyuolagi. Ne nitie jolweny 22,034 ma ne ondik kaluwore gi tiengegi kod anyuolagi.+ 8 Yawuot Beker ne gin Zemira, Joash, Eliezer, Elioenai, Omri, Jeremoth, Abija, Anathoth, kod Alemeth. Magi duto ne gin yawuot Beker. 9 Ne gin gi jolweny 20,200 maroteke kaluwore gi kaka ne ondik tiengegi kod anyuolagi kaachiel gi jotend anyuolagi. 10 Bilhan ne en wuod Jediael,+ to Bilhan nonyuolo Jeush, Benjamin, Ehud, Kenaana, Zethan, Tarshish, kod Ahishahar. 11 Magi duto ne gin yawuot Jediael kaluwore gi jotend kweregi.* Ne gin gi jolweny 17,200 maroteke moikore ne lweny.
12 Jo-Shupim gi Jo-Hupim ne gin yawuot Ir.+ To Jo-Hushim ne gin yawuot Aher.
13 Yawuot Naftali+ ne gin Jahziel, Guni, Jezer, kod Shalum. Ne gin nyikwa Bilha.+
14 Yawuot Manase ne gin:+ Asriel ma chiege machielo ma nyar Siria nonyuolo. (Chiegeno nonyuolo Makir+ ma wuon Gilead. 15 Makir nonyuomo ne Hupim gi Shupim mon, kendo nying nyamin-gi ne en Maaka.) Wuode mar ariyo ne en Zelofehad. Kata kamano, Zelofehad+ nonyuolo mana nyiri.+ 16 Maaka chi Makir nonyuolo wuoyi mochake ni Peresh. Owadgi Peresh ne en Sheresh. To yawuote ne gin Ulam kod Rekem. 17 Ulam nonyuolo Bedan. Magi ne gin yawuot Gilead wuod Makir, wuod Manase. 18 Nyamin mare ne en Hamoleketh. Hamoleketh nonyuolo Ishhod, Abiezer, kod Mala. 19 Yawuot Shemida ne gin Ahia, Shekem, Liki, kod Aniam.
20 Efraim+ nonyuolo Shuthela,+ Shuthela nonyuolo Bered, Bered nonyuolo Tahath, Tahath nonyuolo Eleada, Eleada nonyuolo Tahath, 21 Tahath nonyuolo Zabad, Zabad nonyuolo Shuthela. Efraim nonyuolo Ezer kod Elead bende. Jo-Gath+ ma ne weg pinyno nonegogi nikech ne gidhi kawo jambgi. 22 Efraim wuon-gi noywagogi kuom ndalo mang’eny kendo owetene ne biroga hoye. 23 Bang’e nonindo gi chiege, mi chiege nomako ich monyuolo wuoyi. Kata kamano, nochake ni Beria* nikech nonyuole kinde ma ode noyudoe masira. 24 Nyare niluongo ni Sheera. En e ma nogero Beth-horon ma Mwalo+ gi ma Malo+ kod Uzen-sheera. 25 Refa kod Reshef ne gin yawuote. Reshef nonyuolo Tela, Tela nonyuolo Tahan, 26 Tahan nonyuolo Ladan, Ladan nonyuolo Amihud, Amihud nonyuolo Elishama, 27 Elishama nonyuolo Nun, to Nun nonyuolo Joshua.*+
28 Lopegi gi miechgi ne gin Bethel+ gi mier matindo molwore, to gi yo wuok chieng’ ne en Naaran, to gi yo podho chieng’ ne en Gezer gi mier matindo molwore, kod Shekem gi mier matindo molwore, nyaka Aya* gi mier matindo molwore. 29 To e tong’ joka Manase ne gin gi Beth-shean+ gi mier matindo molwore, Taanak+ gi mier matindo molwore, Megido+ gi mier matindo molwore, kod Dor+ gi mier matindo molwore. Joka Josef ma wuod Israel nodak kuondego.
30 Yawuot Asher ne gin Imna, Ishva, Ishvi, kod Beria.+ Sera ne en nyamin yawuoyigo.+ 31 Yawuot Beria ne gin Heber kod Malkiel, ma ne en wuon Birzaith. 32 Heber nonyuolo Jaflet, Shomer, kod Hotham. To Shua ne en nyamin yawuoyigo. 33 Yawuot Jaflet ne gin Pasak, Bimhal, kod Ashvath. Magi ne gin yawuot Jaflet. 34 Yawuot Shemer* ne gin Ahi, Roga, Jehuba, kod Aram. 35 Yawuot Helem* owadgi ne gin Zofa, Imna, Shelesh, kod Amal. 36 Yawuot Zofa ne gin Sua, Harnefer, Shual, Beri, Imra, 37 Bezer, Hod, Shama, Shilsha, Ithran, kod Beera. 38 Yawuot Jether ne gin Jefune, Pispa, kod Ara. 39 Yawuot Ula ne gin Ara, Haniel, kod Rizia. 40 Magi duto ne gin yawuot Asher, ne gin jotelo e anyuolagi, jo moyier, jolweny maroteke, kendo jotend jodongo. Kwan-gi ma ne ondik kaluwore gi tiengegi kod anyuolagi+ ne gin ji 26,000+ moikore ne lweny.