Joshua
18 Jo-Israel duto ne ochokore Shilo,+ kendo ne gigero hemb romo kanyo,+ nimar pinyno koro ne en margi.+ 2 Kata kamano, ne pod nitie dhoudi abiriyo mag Israel ma ne pok opognegi lowo. 3 Omiyo, Joshua nopenjo Jo-Israel niya: “Ubiro digni nyaka karang’o mak udhi kawo piny ma Jehova Nyasach kwereu osemiyou?+ 4 Yiernauru chwo adek e dhoot ka dhoot; gibiro wuotho e piny duto kendo poge kaluwore gi pok ma dhoot ka dhoot biro yudo, kae to gidwog ira. 5 Gibiro poge nyadibiriyo.+ Dhood Juda biro dong’ e pinygi yo milambo,+ to joka Josef biro dong’ e pinygi yo nyandwat.+ 6 Un to goruru map mar pinyno, kae to upog pinyno nyadibiriyo, kendo ukelna mapno. Abiro goyonu ombulu+ kae e nyim Jehova Nyasachwa. 7 Kata kamano, Jo-Lawi to ok bi mi pok kodu,+ nikech tiyo ne Jehova kaka jodolo e pokgi.+ Jo-Gad, gi Jo-Reuben, gi nus Jo-Manase+ osekawo pokgi mar lowo ma Musa jatich Jehova ne osemiyogi loka Aora Jordan, yo wuok chieng’.”
8 Ka jo ma ne oyier ne oseikore, Joshua nochikogi niya: “Dhiuru uwuoth e pinyno duto kendo upoge kae to uduog ira. Abiro goyonu ombulu Shilo kae e nyim Jehova.”+ 9 Jogo ne odhi mowuotho e pinyno duto kendo ne gipoge nyadibiriyo kaluwore gi mier ma ne ni kuno. Ne gindiko kaka ne gisepoge e buk, kae to ne gidok ir Joshua e kambi man Shilo. 10 Eka Joshua nogoyonegi ombulu e nyim Jehova ka gin Shilo.+ Kanyo e kama Joshua ne opogonee Jo-Israel lowo, mi dhoot ka dhoot ne omi pokne.+
11 Ombulu mokwongo ne olwar ne Jo-Benjamin, kendo piny ma ne ombulu oyieronegi kaluwore gi dhoutgi ne nie kind Jo-Juda+ gi joka Josef.+ 12 Gi yo nyandwat, tong’ margi ne chakore Aora Jordan, ne odhi nyaka gode mag Jeriko+ man yo nyandwat, modhi nyaka e piny motimo gode man yo podho chieng’, nyaka e thim mar Beth-aven.+ 13 Tong’no ne dhi nyaka Luz, e gode man yo milambo mar Luz, tiende ni, Bethel;+ tong’no ne lor mwalo nyaka Ataroth-adar+ e got man yo milambo mar Beth-horon ma Mwalo.+ 14 Ne owuok e got ma ne omanyore* gi Beth-horon gi yo milambo, kolworo gi yo podho chieng’ nyaka Kiriath-baal, tiende ni, Kiriath-jearim+ ma en dala man Juda. Mano e tong’ mar Jo-Benjamin gi yo podho chieng’.
15 Tong’ ma milambo ne chakore e giko mar Kiriath-jearim kochomo yo podho chieng’ nyaka e soko mar Neftoa.+ 16 Tong’no ne ridore mwalo nyaka giko got momanyore gi Hoho mar Wuod Hinom,+ manie Paw Refaim+ gi yo nyandwat, nyaka mwalo e Hoho mar Hinom, kendo ne oridore kochomo e gode mag Ja-Jebus+ man yo milambo nyaka En-rogel.+ 17 Wuok kanyo, tong’no ne chomo yo nyandwat nyaka En-shemesh, mochop Geliloth manie e nyim ka ma iidhogo Adumim,+ kae to ne oridore nyaka e lwanda+ mar Bohan+ wuod Reuben. 18 Ne oridore kuonde motimo gode ma nyandwat manie nyim Araba molor nyaka Araba. 19 Tong’no ne ridore kuonde motimo gode man nyandwat mar Beth-hogla,+ nyaka kama Nam Chumbi osokorego gi yo nyandwat,+ e giko Aora Jordan gi yo milambo. Mano e tong’ Jo-Benjamin gi yo milambo. 20 Aora Jordan to ne en tong’gi ma yo wuok chieng’. Mano e pok ma ne omi yawuot Benjamin kaluwore gi dhoutgi, kendo mago e tong’ mag lopgi.
21 Mier mag dhout Benjamin ne gin: Jeriko, Beth-hogla, Emek-keziz, 22 Beth-araba,+ Zemaraim, Bethel,+ 23 Avim, Para, Ofra, 24 Kefar-amoni, Ofni, gi Geba+—mier 12 gi gwenge molworogi.
25 Gibeon,+ Rama, Beeroth, 26 Mizpe, Kefira, Moza, 27 Rekem, Irpeel, Tarala, 28 Zela,+ Ha-elef, Jebus, tiende ni, Jerusalem,+ Gibea,+ gi Kiriath—mier 14 gi gwenge molworogi.
Mano e pok ma ne omi yawuot Benjamin kaluwore gi dhoutgi.