Joshua
20 Jehova nowacho ne Joshua niya: 2 “Nyis Jo-Israel ni giyier mier mag tony+ mana kaka ne asechiko Musa, 3 mondo ng’at ma onego wadgi kobothne oringie. Miergo biro bedonu kuonde tony mondo jachul kuor kik neg ng’ato.+ 4 Ng’at ma onekono biro dhi e achiel kuom miergo+ kendo obiro nyiso jodongo manie dho ranga dalano+ gima otimore. Bang’ mano, jodongogo biro yiene donjo e dalano kendo gibiro miye kamoro mondo odag kodgi. 5 To ka jachul kuor oluwe, jodongo kik chiwe ne ng’atno, nikech ne oneko kobothne kendo janekno ne onge sigu kode.+ 6 Janekno biro dak e dalano nyaka bi yale e nyim oganda,+ to ka oyud ni ne oneko kobothne, obiro dak kuno nyaka jadolo maduong’ ma kindeno tho.+ Bang’ mano, janekno nyalo dok e ode, e dala ma ne oaye.”+
7 Omiyo, ne giyiero Kedesh+ man Galili, e piny gode man Naftali. Bende, ne giyiero Shekem+ e piny gode man Efraim, kod Kiriath-arba,+ ma tiende ni Hebron man e piny gode man Juda. 8 E alwora mar Jordan man yo wuok chieng’ mar Jeriko, ne giyiero Bezer+ manie thim, e got motarore manie piny Jo-Reuben, gi Ramoth+ man Gilead e piny Jo-Gad, kod Golan+ man Bashan e piny Jo-Manase.+
9 Mago e mier mag tony ma ne oyier ne Jo-Israel kod jodak ma ne nie kindgi. Ng’ato ang’ata ma ne oneko kobothne ne nyalo ringo e miergo+ mondo jachul kuor kik nege ka pok oyale e nyim oganda.+