SULA MAR 45

Tiend Weyo Riwo Lwedo Weche mag Piny

Makala Iliyochapishwa

Yesu nopuonjo ni jolupne ‘ok gin mag piny.’ (Johana 15:19) Mano tiende ni ok wariw lwedo konchiel weche siasa kata lweny. Weyo ma ok wadonjre e weche mag pinyni ok en gima yot kinde duto. Ji nyalo jarowa nikech wapogore kodgi. Ere kaka wanyalo siko ma ok wadonjre e weche pinyni kendo makre motegno gi Jehova Nyasaye?

1. Jokristo madier neno nade sirkande mag dhano?

Jokristo miyoga sirkal luor. Watimoga gima Yesu nowacho ni ‘wachul Kaisar gige Kaisar’ tiende ni, luwo chike mag piny ma wantie moriwo nyaka chulo osuru. (Mariko 12:17) Muma puonjo ni sirkande mag dhano locho nikech Jehova omiyogi thuolo mar timo kamano. (Jo-Rumi 13:1) Omiyo, wang’eyo ni Nyasaye nigi teko moloyo sirkande mag dhano. En e ma obiro tieko chandruoge duto mag dhano kotiyo gi Pinyruodhe manie polo.

2. Ere kaka wanyalo nyiso ni ok wadonjre e weche mag pinyni?

Mana kaka Yesu, wan bende ok wadonjre e weche mag siasa. E kinde ma Yesu ne nie pinyka, ji notemo kete mondo obed ruodhgi bang’ neno honni ma ne otimo, kata kamano, ne ok oyie gi wachno. (Johana 6:15) Nikech ang’o? En nikech nowacho bang’e ni, “Pinyruodha ok en mar pinyni.” (Johana 18:36) Nikech wan jopuonjre Yesu, nitie yore mang’eny ma wanyisogo ni ok wadonjre e weche mag pinyni. Kuom ranyisi, ok wadhiga e lweny. (Som Mika 4:3.) Wachiwo luor ne gik moko kaka bendera, kata kamano, ok wakulrenegi nikech mano chalo gi lamogi. (1 Johana 5:21) Bende, ok wariw lwedo riwruoge mag siasa kata jasiasa moro amora. Wanyiso e yorego kod yore mamoko ni wamakore motegno gi sirkand Nyasaye ma en Pinyruodhe.

TIM NONRO

Non ane yore moko ma nyalo ketowa e tem mar donjruok e weche mag pinyni, kae to ine ane kaka inyalo timo yiero ma moro Jehova.

Ng’at moro ma ok riw lwedo weche mag siasa. Ok ochik ite ne weche ma josiasa wacho ne ji.

3. Jokristo madier ok donjre e weche mag pinyni

Yesu kod jolupne noketonwa ranyisi maber ahinya. Som Jo-Rumi 13:1, 5-7 kod 1 Petro 2:13, 14. Bang’ mano, tug VIDIO, kae to uwuo e wi penjo ma luwogi:

VIDIO: Jokristo Madier Ok Riw Lwedo Ywaruok mag Pinyni—Kare Mokwongo (4:28)

Ang’o momiyo onego wachiw luor ne sirkande mag dhano?
Gin yore kaka mage ma wanyalo nyisogo ni wamiyogi luor?

E kinde lweny, nitiere pinje moko ma wachoga ni ok giriw lwedo konchiel, kata kamano, gikonyoga joma kedogo. Omiyo, weyo ma ok wadonjre e weche mag pinyni tiende en ang’o? Som Johana 17:16. Bang’ mano, tug VIDIO, kae to uwuo e wi penjo ma luwoni:

VIDIO: Jokristo Madier Ok Riw Lwedo Ywaruok mag Pinyni—Kare mar 2 (3:11)

Weyo ma ok wadonjre e weche mag pinyni tiende en ang’o?

To nade ka sirkal owacho ni watim gimoro ma kwedo chik Nyasaye? Som Tich Joote 5:28, 29. Bang’ mano, tug VIDIO, kae to uwuo e wi penjo ma luwogi:

VIDIO: Jokristo Madier Ok Riw Lwedo Ywaruok mag Pinyni—Kare mar 3 (1:18)

Sama chike mag dhano tuomore gi chike mag Nyasaye, gin chike mag ng’a monego waluw?
Be inyalo paro chal moro amora ma nyalo miyo Jakristo kik luw chike mag sirkal?

4. Gik miparo kod mitimo onego onyis ni ok iriw lwedo weche mag pinyni

Som 1 Johana 5:21. Bang’ mano, tug VIDIO, kae to uwuo e wi penjo ma luwogi:

VIDIO: Gimomiyo Jokristo Madier Onego Bed gi Chir—Mondo Kik Wariw Lwedo Ywaruok mag Pinyni (2:49)

Ang’o momiyo Ayenge notamore donjo e riwruok moro mar siasa, kata riwo lwedo weche mamoko mag piny kaka kulruok ne bendera?
Be iparo ni ne otimo yiero maber?

Gin yore mage mamoko ma nyalo ketowa e tem mar riwo lwedo weche mag pinyni? Tug VIDIO, kae to uwuo e wi penjo ma luwogi:

VIDIO: Puonj ma Wayudo e Ohinga mar Jarito—Kik Iriw Lwedo Konchiel Ywaruok mag Pinyni (5:16)

Ere kaka wanyalo nyiso ni ok wariw lwedo konchiel e weche mag tuke?
Ere kaka wanyalo nyiso ni ok wariw lwedo konchiel kata ka yiero ma josiasa otimo mulowa achiel kachiel?
Ere kaka weche milando kata ma osiepewa wacho nyalo miyo wadonjre e weche mag pinyni?

Pichni: 1. Grup moro mar joma ger ma ng’anyo. 2. Ng’at moro mamor moting’o bendera sama en kar tuke. 3. Nyathi skul ma wero wer mipakogo piny. 4. Jalweny moting’o bunde. 5. Josiasa moko ariyo ma wuoyo e wi siasa. 6. Dhako moro ma goyo kura. — Gin yore kaka mage ma Jakristo nyalo nyisogo ni ok odonjre e weche mag pinyni kata mana e pache kod timbene?

NG’ATO NYALO PENJI NIYA: “Ang’o momiyo ok ikulriga ne bendera kata wero wende mipakogo piny?”

Inyalo dwoke nade?

PUONJ MADUONG’

Jokristo temoga matek mondo gik ma giparo, ma giwacho, kata timbegi, kik nyis ni giriwo lwedo weche mag siasa.

Ang’o ma ipuonjori?

Onego wane nade sirkande mag dhano?
Ang’o momiyo onego wasik ma ok wadonjore e weche mag siasa?
Gin ang’o ma nyalo ketowa e tem mar donjruok e weche mag piny?

Tarik ma atieke sulani:

Gima inyalo timo

Par ane gik ma nyalo miyo idonjri e weche mag piny, kae to ing’ad paro e wi gima ibiro timo ka gigo otimore.

Gik mamoko ma inyalo timo:

Gimachielo ma inyalo timo

MED TIMO NONRO

Gin gik moko kaka mage ma nyalo dwarore ni watim mondo wanyis ni ok wadonjre e weche mag piny?

Jehova Pok Ojwang’owa (3:14)

Ang’o ma joot nyalo timo mondo giikre chon ne gik ma nyalo miyo gidonjre e weche mag piny?

Sik ma Ok Idonjori e Nyasi mag Pinyni (4:25)

Ang’o momiyo kedo ne pinywa ok e gima duong’ ma nyalo miyo wabed gi huma?

“Gik Moko Duto Nyalore Kuom Nyasaye” (5:19)

Non ane kaka inyalo siko ma ok ibedo mar piny sama iyiero tij andika.

“Ng’ato ka Ng’ato Noting’ Ting’ne Owuon” (Ohinga mar Jarito, Mach 15, 2006)