Chenro mar Skul mar Tij Nyasaye Higa 2008

WECHE MONEGO OLUW

Mani e chenro mibiro tiyo godo e tayo Skul mar Tij Nyasaye e higa mar 2008.

BUGE MIBIRO TIYO GODO: Muma Maler, Faidika na Elimu ya Shule ya Huduma ya Kitheokrasi [be], “Ndiko Duto” Gin Adier Kendo Gikonyo [bsi08], kod Thuond Weche Manie Muma Minyalo Wuoyoe [td].

Skul onego ochakre E WANG’ SA kichako gi wer, lamo, kod weche mirwakogo ji, to bang’ mano otim kaka inyiso piny kae. Bang’ twak ka twak, jarit-skul biro gwelo jagol-twak maluwo.

TWAK MAR LONY E WUOYO: Dakika 5. Jarit-skul, jatieg jogol-twak, kata jaduong’-kanyakla moro amora mowinjore, biro twak e wi achiel kuom puonj mag lony e wuoyo kotiyo gi bug Shule ya Huduma. (Kama nitie jodongo manok, inyalo ti gi jokony-tich mowinjore manie kanyakla.)

TWAK NA. 1: Dakika 10. Twagni onego ogol gi jaduong’-kanyakla kata jakony-tich mowinjore, kendo en twak mitiyoe gi weche mawuok e Faidika na Elimu ya Shule ya Huduma ya Kitheokrasi, kata “Ndiko Duto Gin Adier Kendo Gikonyo.” Mani en twak ma ipuonjoe ji kuom dakika apar. Ok onego ogole mana ka inwoyo weche mondik e buk, to onego onyis kaka puonjgo tiyo, ka jagole jiwo ahinya puonj ma konyo kanyakla. Wi twak mochiw ema onego oti godo. Wageno ni owete ma omi migawoni biro temo ahinya mondo kik gikal dakika moketi. Inyalo tieg ng’at mogolo twak ka en kar kende, mondo okonye rieyo kama dwarore.

PUONJ MAYUDORE E SOMO MAR MUMA: Dakika 10. Kuom dakika abich mokwongo, jaduong’-kanyakla kata jakony-tich mowinjore, onego onyis kaka kanyakla nyalo tiyo gi ndikogo. Onyalo wuoyo e wi ndiko moro amora misomo e Muma jumano. Mani ok en mana wuoyo e yo machuok kuom sula moket ni onego osom. To gima duong’ en konyo jowinjo mondo ong’e gimomiyo kendo kaka wechego nyalo konyogi. Jagol twagni otem ahinya kik okal dakika abich moketne mar wuoyo. Onego one ni oweyo ne jowinjo dakika abich mondo gigolgo kata gichiwgo pachgi. Onego okwa jowinjo mondo ochiw pachgi e yo machuok (nus dakika kata matin ne mano) kuom puonj kata kony ma giseyudo e somo mar Muma jumano. Bang’e, jarit-skul biro gonyo jopuonjre monego odhi e klase mamoko.

TWAK NA. 2: Ok onego okal dakika 4. Mani e twak mar somo monego ogol gi owete. Japuonjre onego osom kama oyangi ma ok oloso weche mochakogo kata motiekogo. Jarit-skul biro dwaro ahinya mondo okony jopuonjre somo e yo mamiyo tiend gima gisomono winjore, ma miyo ok gichwanyre e weche ma gisomo, gijiwo weche e yo mowinjore, giloko dwondgi, gichung’ kuonde madwarore e gima gisomo, kendo wuoyo kaka gi jowuoyo pile.

TWAK NA. 3: Dakika 5. Twagni en ma imiyo nyimine. Inyalo nyis nyimine ma imiyo twagni yo monego gigolgo twagno kata ginyalo yiero achiel kuom yore moketi e ite mar 82 e buk mar Shule ya Huduma. Japuonjre onego oti gi wi twak ma omiye, kendo onego onyis kaka wechego inyalo ti godo e yo maber kendo makonyo e tij lendo e alworagi. Ka omi japuonjre twak ma ok onyisi kama weche minyalo ti godo e golo twagno yudore, japuonjreno biro timo nonro e bugewa en owuon. Jopuonjre ma podi nyien onego omi twak manyiso kama weche mitiyo godo yudore. Jarit-skul biro ng’iyo ahinya kaka japuonjre golo twagno, kendo kaka okonyo wuon ot e winjo tiend Ndiko kod thuond weche. Jarit-skul biro miyo jagol twagni ng’at machielo mondo gikonyorego.

TWAK NA. 4: Dakika 5. Japuonjre onego oti gi wi twak momiye. Ka omi japuonjre twak ma ok nyis kama weche minyalo ti godo e golo twagno yudore, japuonjreno biro timo nonro e bugewa en owuon. Ka twagni omi owete, onego gigole kaka twak migolo e nyim jowinjo manie Od Romo. Ka twagni omi nyimine, onego gigole kaka Twak Na. 3. Jarit-skul nyalo miyo achiel kuom owete Twak Na. 4, koneno ni onego otim kamano. Kinde duto twak moketie nyukta mar otit, onego ogol gi owete e nyim jowinjo. Ka nitie jodong-kanyakla kod jokony-tich mang’eny e kanyaklau manyalo timo migawo mopogore opogore e Skul mar Tij Nyasaye kod Chokruok mar Tijwa, nyalo bedo maber ka omigi twege moketie nyukta mar otit kanyalore.

CHIWO PARO MAKONYO JAPUONJRE: Dakika 1. Jarit-skul ok bi lando motelo puonj mar lony e wuoyo ma japuonjre tiegoree. Bang’ Twak Na. 2, Na. 3, kod Na. 4, jarit-skul biro chiwo paro magero kuom gigo ma japuonjre otimoe maber. Dwarone ok onego obed mana pwoyo japuonjre, to kar mano onego onyis ratiro gimomiyo yo ma japuonjre ochiwogo twagno, konyo. Kaluwore gi nyalo mar japuonjre ka japuonjre, weche mamoko magero kata makonyo inyalo chiw ka chokruogno orumo kata bang’e.

RITO SA: Twak, kata paro ma jarit-skul chiwo bang’ twak ka twak ok onego okal dakika moketi. Twak Na. 2 nyaka 4, onego ochungi e yo mowinjore ka dakika orumo. Kapo ni owete magolo twak mar lony e wuoyo, Twak Na. 1, kata magolo puonj mayudore e somo mar Muma okalo dakika moketi, inyalo wuo kodgi maling’ling’ kar kendgi, mondo okonygi rieyo kama dwarore. Ji duto ma nigi migawo onego otem rito sa. Program mangima en: Dakika 45, ka ok oriwo wer gi lamo.

FOM MAR PUONJ MAG TIEGRUOK: Yudore ei bug skul.

JATIEG JOGOL-TWAK: Jodong-kanyakla nyalo yiero jaduong’ machielo mowinjore mopogore gi jarit-skul mondo oti kaka jatieg jogol-twak. Kaponi nitie jodong-kanyakla mang’eny manyalo tiyo tijno, inyalo lok jatieg jogol-twak higa ka higa. Jatieg jogol-twak nigi migawo mar chiwo paro ka dwarore, ne owete magolo Twak Na. 1 kod magolo puonj mayudore e somo mar Muma kotiegogi maling’ling’ kar kendgi. Ok ochuno ni nyaka otim kamano kinde duto ma jodongo wetene kata jokony-tich ogolo twak.

NWOYO PUONJ MAG SKUL: Dakika 30. Bang’ dweche ariyo ka dweche ariyo, jarit-skul biro tayo chenro mar nwoyo puonj mag skul. Chenrono biro timore bang’ twag lony e wuoyo kod mar nono puonj mayudore e somo mar Muma kaka onyis malo. E chenrono, ibiro nwoyo gik ma ne opuonjruok e skul kuom dweche ariyo mokalo koda mag jumano. Ka kanyaklau nigi chokruok mar alwora e juma ma inwoyoe Puonj mag Skul mar Tij Nyasaye, chenrono (kaachiel kod mar jumano duto) onego otim e juma maluwe, nikech chenro mar juma maluweno ibiro tim e chokruok mar alwora. Ka un gi limbe mar jarit-alwora e juma minwoyoe puonj mag skul, wer, twak mar lony e wuoyo, kod mar nono puonj mayudore e somo mar Muma onego odhi nyime kaka ochan. Twak Na. 1 (migolo bang’ twag lony e wuoyo) mar juma maluweno ema onego otim e jumb jarit-alwora. E juma maluweno, Skul mar Tij Nyasaye onego ochaki gi twak mar lony e wuoyo, twak mar nono puonj mayudore e somo mar Muma mana kaka chenro ma jumano obet, to bang’e otim chenro mar nwoyo puonj mag skul.

CHENRO

Jan. 7 Somo mar Muma: Mathayo 1-6 Wer 62

Lony e Wuoyo: Lero Weche Kaka Dwarore (be ite 228 ¶2-3)

Na. 1: Chako Bug Mathayo (bsi08-1 ite 3-5 ¶1-10)

Na. 2: Mathayo 5:1-20

Na. 3: td 15A Nokor Biro mar Jonabi mag Miriambo; Ne Gintie Ndalo Joote

Na. 4: Yore ma Roho Maler mar Nyasaye Konyowago

Jan. 14 Somo mar Muma: Mathayo 7-11 Wer 224

Lony e Wuoyo: Kaka Chuny Ng’ato Nyalo Chike (be ite 228 ¶4–ite 229 ¶1)

Na. 1: Bed Mamor gi Wach Nyasaye (be ite 9 ¶1-5)

Na. 2: Mathayo 10:1-23

Na. 3: Gimomiyo Bedo Jaadiera Konyo

Na. 4: td 3A Ng’eyo Nyasaye En Chang Mosiko

Jan. 21 Somo mar Muma: Mathayo 12-15 Wer 133

Lony e Wuoyo: Weche Machiwo Puonj ne Jowinjo (be ite 230 ¶1-6)

Na. 1: Som Muma Pile (be ite 10 ¶1–ite 12 ¶4)

Na. 2: Mathayo 14:1-22

Na. 3: td 3B Pinyruodh Nyasaye Biro Chango Midekre Chuth

Na. 4: Antikristo Kata Jasik Kristo En Ng’a?

Jan. 28 Somo mar Muma: Mathayo 16-21 Wer 176

Lony e Wuoyo: Miyo Twak Obed gi Puonj Kokalo Kuom Timo Nonro (be ite 231 ¶1-3)

Na. 1: ‘Rituru Kaka Uwinjo’ (be ite 13 ¶1–ite 14 ¶5)

Na. 2: Mathayo 17:1-20

Na. 3: td 3C Onge Gima Nyiso ni Chango Ji Kuom Yie Matimore Kindegi Nyasaye Oyiego

Na. 4: Gik ma Jokristo Neno Ni Ler

Feb. 4 Somo mar Muma: Mathayo 22-25 Wer 151

Lony e Wuoyo: Lero Tiend Ndiko (be ite 231 ¶4-5)

Na. 1: Chiko Itwa Ka Wan e Chokruoge mag Kanyakla kod mag Alwora (be ite 15 ¶1–ite 16 ¶5)

Na. 2: Mathayo 23:1-24

Na. 3: Ngima ma Nyaka Chieng’ Ok Bi Jogo Ng’ato

Na. 4: td 3D Dhum Ne En Mana Mich Kuom Kinde Matin

Feb. 11 Somo mar Muma: Mathayo 26-28 Wer 110

Lony e Wuoyo: Lero Tiend Weche (be ite 232 ¶1)

Na. 1: Mathayo—Gimomiyo Bugni Konyo (bsi08-1 ite 5 ¶29-33)

Na. 2: Mathayo 27:1-22

Na. 3: Gimomiyo Nyiso Yie Ok En Mana Yie Ni Nyasaye Nitie

Na. 4: td 32A Ji 144,000 Kende Ema Dhi e Polo

Feb. 18 Somo mar Muma: Mariko 1-4 Wer 167

Lony e Wuoyo: Lero Tiend Ndiko Miwuoyoe (be ite 232 ¶2-4)

Na. 1: Chako Bug Mariko (bsi08-1 ite 6-7 ¶1-11)

Na. 2: Mariko 2:1-17

Na. 3: td 24A Hell (Sheol, Hades) Ok En Kamoro ma Mach Wang’oe Ji

Na. 4: Kaka Hera Jiwo Chir

Feb. 25 Somo mar Muma: Mariko 5-8 Wer 72

Lony e Wuoyo: Yiero Weche Mabiro Konyo Jowinjo (be ite 233 ¶1-5)

Nwoyo Puonj mag Skul mar Tij Nyasaye

Mach 3 Somo mar Muma: Mariko 9-12 Wer 195

Lony e Wuoyo: Tiyo gi Weche Mochiw (be ite 234 ¶1–ite 235 ¶3)

Na. 1: Inyalo Medo Lony e Paro Weche (be ite 17 ¶1–ite 19 ¶1)

Na. 2: Mariko 11:1-18

Na. 3: Gimomiyo Nyasaye Ok Nyal Riambo

Na. 4: td 24B Mach En Ranyis mar Ketho Chuth

Mach 10 Somo mar Muma: Mariko 13-16 Wer 87

Lony e Wuoyo: Tiyo gi Penjo e Yo Maber (be ite 236 ¶1-5)

Na. 1: Mariko—Gimomiyo Bugni Konyo (bsi08-1 ite 7-8 ¶31-33)

Na. 2: Mariko 14:1-21

Na. 3: td 24C Sigand Jamoko kod Lazaro Ok Nyis Ni Nitie Sand ma Nyaka Chieng’

Na. 4: Gimomiyo “Mirimb Dhano Ok Mew Tim Makare ma Nyasaye Dwaro” (Jak. 1:20)

Mach 17 Somo mar Muma: Luka 1-3 Wer 13

Lony e Wuoyo: Tiyo gi Penjo Materi e Thuond Weche (be ite 237 ¶1-2)

Na. 1: Chako Bug Luka (bsi08-1 ite 8-10 ¶1-9)

Na. 2: Luka 1:1-23

Na. 3: Gimomiyo “Yie Ma Onge Tim, Obedo Kayiem Nono” (Jak. 2:20)

Na. 4: td 29A Jokristo Mokwongo Ne Ok Tim Rapar mag Nyuol, koda Krismas

Mach 24 Somo mar Muma: Luka 4-6 Wer 156

Lony e Wuoyo: Penjo Makonyo e Lero Wach Miwuoyoe (be ite 237 ¶3–ite 238 ¶2)

Na. 1: Kaka Roho mar Nyasaye Nyalo Konyowa Paro Gik ma Wasepuonjore (be ite 19 ¶2–ite 20 ¶3)

Na. 2: Luka 4:1-21

Na. 3: td 19A Tiyo gi Piche, Kido Mopa e Lamo En Yanyo Nyasaye

Na. 4: Luoro Nyasaye Nyalo Geng’owa Kuom Timo Richo

Mach 31 Somo mar Muma: Luka 7-9 Wer 122

Lony e Wuoyo: Penjo Makonyo e Ng’eyo Gima Nie Chuny Ng’ato (be ite 238 ¶3-5)

Na. 1: Gimomiyo Onego Iket Chunyi Kuom Somo? (be ite 21 ¶1–ite 23 ¶3)

Na. 2: Luka 7:1-17

Na. 3: Gima Nyiso Ni Nyasaye Oherowa Kendo Odwaro Ni Wabed Mamor

Na. 4: td 19B Lamo Kido Ne Okelo Tho Ne Oganda Israel

Apr. 7 Somo mar Muma: Luka 10-12 Wer 68

Lony e Wuoyo: Tiyo gi Penjo e Jiwo Wach (be ite 239 ¶1-2)

Na. 1: Kaka Inyalo Keto Chunyi Kuom Somo (be ite 23 ¶4–ite 26 ¶5)

Na. 2: Luka 11:37-54

Na. 3: td 19C Nyasaye Ok Oyie “Riwo” Lame gi Gimachielo

Na. 4: Ere Kaka Onego Wawinj Tiend Fweny 17:17?

Apr. 14 Somo mar Muma: Luka 13-17 Wer 86

Lony e Wuoyo: Tiyo gi Penjo Makonyo e Fwenyo Paro Maok Kare (be ite 239 ¶3-5)

Na. 1: Kaka Inyalo Puonjori (be ite 27 ¶1–ite 31 ¶2)

Na. 2: Luka 16:1-15

Na. 3: Gima Chik Nyasaye Kuom Wach Hulo Puonjowa (Lawi 19:9, 10)

Na. 4: td 38A Riwruok e Lamo gi Dinde Mamoko Ok En Yo ma Nyasaye Oyiego

Apr. 21 Somo mar Muma: Luka 18-21 Wer 182

Lony e Wuoyo: Puonj Mitiyoe gi Weche Kata Ngero Mapimo Kaka Kit Gik Moko Ariyo Chal (be ite 240 ¶1–ite 241 ¶1)

Na. 1: Luka—Gimomiyo Bugni Konyo (bsi08-1 ite 10-11 ¶30-35)

Na. 2: Luka 18:1-17

Na. 3: td 38B Wacho Ni “Nitie Ber e Dinde Duto” Ok En Adier

Na. 4: Tiend ‘Timo Gik Moko Duto ma Ok Ung’ur’ En Ang’o (Fili. 2:14)

Apr. 28 Somo mar Muma: Luka 22-24 Wer 218

Lony e Wuoyo: Tiyo gi Ranyisi (be ite 241 ¶2-4)

Nwoyo Puonj mag Skul mar Tij Nyasaye

Mei 5 Somo mar Muma: Johana 1-4 Wer 31

Lony e Wuoyo: Ranyisi Manie Ndiko (be ite 242 ¶1-2)

Na. 1: Chako Bug Johana (bsi08-1 ite 11-13 ¶1-9)

Na. 2: Johana 3:1-21

Na. 3: Gima Wapuonjore Kuom Tim Daudi mar Tamruok Nego Saulo

Na. 4: td 14A Nying’ Nyasaye

Mei 12 Somo mar Muma: Johana 5-7 Wer 150

Lony e Wuoyo: Be Tiend Ranyisino Biro Winjore? (be ite 242 ¶3–ite 243 ¶1)

Na. 1: Puonjruok Konyowa (be ite 31 ¶3–ite 32 ¶4)

Na. 2: Johana 6:1-21

Na. 3: Gima Wapuonjore Kuom Gima Ne Otimore Ne Anania gi Safira

Na. 4: td 14B Bedoe mar Nyasaye

Mei 19 Somo mar Muma: Johana 8-11 Wer 102

Lony e Wuoyo: Ranyisi Mawuok Kuom Gik Mong’ere Ne Jowinjo (be ite 244 ¶1-2)

Na. 1: Kaka Itimo Nonro Kitiyo gi Muma (be ite 33 ¶1–ite 35 ¶2)

Na. 2: Johana 11:38-57

Na. 3: td 14C Kido mag Nyasaye

Na. 4: Nikech Kumo Ng’at Moketho Chik mar Apar Ne Ok Nyalore, Ang’o Momiyo Ne Ochiw Chikno?

Mei 26 Somo mar Muma: Johana 12-16 Wer 3

Lony e Wuoyo: Ranyisi Mowinjore gi Jowinjowa (be ite 244 ¶3–ite 245 ¶4)

Na. 1: Puonjruok Tiyo gi Gige Mamoko mag Timo Nonro (be ite 35 ¶3–ite 38 ¶4)

Na. 2: Johana 12:1-19

Na. 3: td 14D Ji Duto Ok Ti Ne Nyasaye Achiel

Na. 4: Kaka Waketo Ting’ Marwa Kuom Jehova (Zab. 55:22)

Jun 2 Somo mar Muma: Johana 17-21 Wer 198

Lony e Wuoyo: Tiyo Maber kod Piche, Gik Mogor kod Gik Mamoko Mineno (be ite 247 ¶1-2)

Na. 1: Johana—Gimomiyo Bugni Konyo (bsi08-1 ite 13-14 ¶30-35)

Na. 2: Johana 21:1-14

Na. 3: Ang’o Momiyo Onego Wayie Kuom Nyasaye To Ok Wanyal Nene?

Na. 4: td 16A Chakruok mar Joneno mag Jehova

Jun 9 Somo mar Muma: Tich Joote 1-4 Wer 92

Lony e Wuoyo: Kaka Yesu Ne Otiyo kod Gik Mineno Kopuonjo (be ite 247 ¶3)

Na. 1: Chako Bug Tich Joote (bsi08-1 ite 14-15 ¶1-8)

Na. 2: Tich Joote 1:1-14

Na. 3: td 44A Yesu En Wuod Nyasaye Kendo Ruoth Moseketi

Na. 4: Bedo “gi Chir” Kata Wuoyo Ka In Thuolo Oriwo Timo Ang’o? (Hibr. 3:6)

Jun 16 Somo mar Muma: Tich Joote 5-7 Wer 2

Lony e Wuoyo: Yore mag Tiyo gi Gik Mineno e Puonjo (be ite 248 ¶1-3)

Na. 1: Ndiko Weche mag Golo Twak (be ite 39-42)

Na. 2: Tich Joote 5:1-16

Na. 3: td 44 B Yie Kuom Yesu Kristo Dwarore Eka Ng’ato Oyud Warruok

Na. 4: Ang’o Momiyo Luoro Jehova En Chakruok mar Rieko? (Zab. 111:10)

Jun 23 Somo mar Muma: Tich Joote 8-10 Wer 116

Lony e Wuoyo: Tiyo gi Map, Kalatese Program mag Chokruok mag Alwora kod Vidio (be ite 248 ¶4–ite 249 ¶2)

Na. 1: Iko Migawo mag Chokruog Skul Momi Jopuonjre (be ite 43 ¶1–ite 44 ¶3)

Na. 2: Tich Joote 8:1-17

Na. 3: Kaka Yesu “Nogol Jachan e Chandrwok” (Zab. 72:12)

Na. 4: td 44C Yie Kuom Yesu, Mano Kende Ok Oromo

Jun 30 Somo mar Muma: Tich Joote 11-14 Wer 79

Lony e Wuoyo: Tiyo gi Gik Mineno Ka Ipuonjo Jowinjo Mang’eny (be ite 249 ¶3–ite 250 ¶1)

Nwoyo Puonj mag Skul mar Tij Nyasaye

Jul. 7 Somo mar Muma: Tich Joote 15-17 Wer 203

Lony e Wuoyo: Gimomiyo Lero Weche e Yo Mamuol Dwarore (be ite 251 ¶1-3)

Na. 1: Ikruok Kitiyo gi Wi Wach Mochiw koda Ranyisi Mochiw mar Time (be ite 44 ¶4–ite 46 ¶2)

Na. 2: Tich Joote 16:1-15

Na. 3: Gigo Mamiyo Watiyo Ne Jehova ma Onge Luoro

Na. 4: td 31A Gigo ma Pinyruodh Nyasaye Biro Timo Ne Dhano

Jul. 14 Somo mar Muma: Tich Joote 18-21 Wer 32

Lony e Wuoyo: Kama Onego Ichakie (be ite 251 ¶4–ite 252 ¶3)

Na. 1: Iko Twege Ne Kanyakla (be ite 47 ¶1–ite 49 ¶1)

Na. 2: Tich Joote 20:1-16

Na. 3: td 31B Pinyruoth Chako Locho Ka Wasigu mag Kristo Podi Nitie

Na. 4: Ang’o ma Wanyalo Puonjore Kuom Chik Mayudore e Wuok 23:19b?

Jul. 21 Somo mar Muma: Tich Joote 22-25 Wer 200

Lony e Wuoyo: Kinde mar Weyo Ne Paro mar Jomoko Thuolo (be ite 252 ¶4–ite 253 ¶2)

Na. 1: Iko Migawo mag Chokruok mar Tijwa kod Twege Mamoko (be ite 49 ¶2–ite 51 ¶2)

Na. 2: Tich Joote 22:1-16

Na. 3: Joneno mag Jehova Chopo Johana 13:34, 35 e Yore Mage?

Na. 4: td 31C Pinyruoth Ok Ni ‘e Chuny Ji,’ Ok En Tij Dhano

Jul. 28 Somo mar Muma: Tich Joote 26-28 Wer 29

Lony e Wuoyo: Chiwo Penjo kod Nyiso Gimomiyo (be ite 253 ¶3–ite 254 ¶2)

Na. 1: Tich Joote—Gimomiyo Bugni Konyo (bsi08-1 ite 15-17 ¶32-40)

Na. 2: Tich Joote 26:1-18

Na. 3: td 27A Tiende Ang’o Wacho Ni “Giko mar Piny”

Na. 4: Gimomiyo Jehova Nano

Ago. 4 Somo mar Muma: Jo Rumi 1-4 Wer 170

Lony e Wuoyo: Chiwo Paro Makare Mosir Motegno gi Wach Nyasaye (be ite 255 ¶1–ite 256 ¶2)

Na. 1: Chako Bug Jo Rumi (bsi08-1 ite 17-18 ¶1-7)

Na. 2: Jo Rumi 3:1-20

Na. 3: Kaka Malaike Rito Kendo Jiwo Jotich Nyasaye

Na. 4: td 27B Dwarore Bedo Motang’ Neno Ranyisi mag Ndalo mag Giko

Ago. 11 Somo mar Muma: Jo Rumi 5-8 Wer 207

Lony e Wuoyo: Chiw Ranyisi Masiro Gik Mipuonjo (be ite 256 ¶3-5)

Na. 1: Iko Twak mag Ji Duto (be ite 52 ¶1–ite 54 ¶1)

Na. 2: Jo Rumi 6:1-20

Na. 3: td 28A Ngima Mochwere Osingi Ne Dhano Marito Chik

Na. 4: Kaka Tim Makare Nyalo Ritowa

Ago. 18 Somo mar Muma: Jo Rumi 9-12 Wer 152

Lony e Wuoyo: Chiwo Ranyisi Moromo (be ite 256 ¶6–ite 257 ¶3)

Na. 1: Jo Rumi—Gimomiyo Bugni Konyo (bsi08-1 ite 18-19 ¶20-25)

Na. 2: Jo Rumi 9:1-18

Na. 3: Ang’o Momiyo Kuoth kod Lando Weche Miwinjo Awinja En Gima Rach?

Na. 4: td 28B Ngima e Polo En Mana Ne Jogo Manie Ringruok mar Kristo

Ago. 25 Somo mar Muma: Jo Rumi 13-16 Wer 16

Lony e Wuoyo: Temo Mulo Chuny Ji gi Puonj (be ite 258 ¶1-5)

Nwoyo Puonj mag Skul mar Tij Nyasaye

Sept. 1 Somo mar Muma: 1 Jo Korintho 1-9 Wer 199

Lony e Wuoyo: Golo Paro Manie Chuny Ji (be ite 259 ¶1-3)

Na. 1: Chako Bug 1 Jo Korintho (bsi08-1 ite 20-21 ¶1-7)

Na. 2: 1 Jo Korintho 4:1-17

Na. 3: td 28C Ngima e Piny Osingi Ne Dhano ma Kwan-gi Ok Ong’ere, Tiende Ni “Rombe Moko”

Na. 4: Be Bedo gi Mwandu Nyiso ni Ng’ato Nigi Gweth mag Nyasaye?

Sept. 8 Somo mar Muma: 1 Jo Korintho 10-16 Wer 35

Lony e Wuoyo: Mi Gine Ni Ginyalo Yudo Konyruok (be ite 259 ¶4–ite 260 ¶1)

Na. 1: 1 Jo Korintho—Gimomiyo Bugni Konyo (bsi08-1 ite 21-22 ¶23-26)

Na. 2: 1 Jo Korintho 13:1–14:6

Na. 3: Gimomiyo Joma Winjo Wach Kendo Timo Gin Joma Mor

Na. 4: td 18A Riwruok e Kend En Gima Nyaka Mi Luor

Sept. 15 Somo mar Muma: 2 Jo Korintho 1-7 Wer 58

Lony e Wuoyo: Konyo Jomoko Obed gi Chuny mar Luoro Nyasaye (be ite 260 ¶2-3)

Na. 1: Chako Bug 2 Jo Korintho (bsi08-1 ite 22 ¶1-4)

Na. 2: 2 Jo Korintho 1:1-14

Na. 3: td 18B Chik mar Wich Nyaka Mi Luor gi Jokristo

Na. 4: Gimomiyo Jokristo Madier Bedo Mamor Kisandogi

Sept. 22 Somo mar Muma: 2 Jo Korintho 8-13 Wer 12

Lony e Wuoyo: Timbewa En Gima Duong’ e Nyim Nyasaye (be ite 260 ¶4–ite 261 ¶1)

Na. 1: 2 Jo Korintho—Gimomiyo Bugni Konyo (bsi08-1 ite 22-23 ¶18-20)

Na. 2: 2 Jo Korintho 9:1-15

Na. 3: Gimomiyo Jokristo Madier Ok Gin mag Piny

Na. 4: td 18C Ting’ ma Jonyuol ma Jokristo Ni Godo Kuom Nyithindo

Sept. 29 Somo mar Muma: Jo Galatia 1-6 Wer 163

Lony e Wuoyo: Konyo Jomoko Mondo Ononre (be ite 261 ¶2-4)

Na. 1: Chako Bug Jo Galatia kod Gimomiyo Bugni Konyo (bsi08-1 ite 24-25 ¶1-6, 14-18)

Na. 2: Jo Galatia 1:1-17

Na. 3: td 18D Jokristo Onego Okendore gi Jokristo Wetegi Kende

Na. 4: Kaka Hera Nyalo Miyo Kik Waluor Dhano

Okt. 6 Somo mar Muma: Jo Efeso 1-6 Wer 99

Lony e Wuoyo: Jiwo Ji Oluw Chik Jehova gi Chunygi Duto (be ite 262 ¶1-4)

Na. 1: Chako Bug Jo Efeso kod Gimomiyo Bugni Konyo (bsi08-1 ite 26-28 ¶1-8, 16-19)

Na. 2: Jo Efeso 3:1-19

Na. 3: Kwayo Ng’wono Ok En Ranyisi mar Nyawo

Na. 4: td 18E Ndiko Kwero Bedo gi Mon Mang’eny

Okt. 13 Somo mar Muma: Jo Filipi 1–Jo Kolosai 4 Wer 123

Lony e Wuoyo: Tiyo Kanyachiel gi Jehova e Mulo Chuny Ji (be ite 262 ¶5)

Na. 1: Chako Bug Jo Filipi kod Gimomiyo Bugni Konyo (bsi08-1 ite 28-29 ¶1-7, 12-14)

Na. 2: Jo Filipi 3:1-16

Na. 3: td 23A Maria Ne En Min Yesu, To Ok “Min Nyasaye”

Na. 4: a Jo Kolosai—Gimomiyo Bugni Konyo (bsi08-1 ite 30-31 ¶12-14)

Okt. 20 Somo mar Muma: 1 Thessa 1–2 Thessa 3 Wer 161

Lony e Wuoyo: Rito Sa e Yo Maber (be ite 263 ¶1–ite 264 ¶4)

Na. 1: Chako Bug Jo Thessalonika 1 kod mar 2 kod Gimomiyo Bugegi Konyo (bsi08-2 ite 3-4 ¶1-5, 13-15; ite 5-6 ¶1-4, 10-11)

Na. 2: 1 Jo Thessalonika 1:1–2:8

Na. 3: td 23B Maria Ne Ok “Osiko Silili”

Na. 4: b Timotheo 1 kod mar 2—Gimomiyo Bugegi Konyo (bsi08-2 ite 7-8 ¶15-19; ite 9-10 ¶10-12)

Okt. 27 Somo mar Muma: 1 Timo 1–2 Timo 4 Wer 69

Lony e Wuoyo: Jiwo Ji e Yo Maber (be ite 265 ¶1-3)

Nwoyo Puonj mag Skul mar Tij Nyasaye

Nov. 3 Somo mar Muma: Tito 1–Filemon Wer 149

Lony e Wuoyo: Jiwo Ji Kuom Hera (be ite 266 ¶1-4)

Na. 1: Chako Bug Tito kod Gimomiyo Bugni Konyo (bsi08-2 ite 10-11 ¶1-4, 8-10)

Na. 2: Tito 1:1-16

Na. 3: td 34A Rapar mar Chiemb Odhiambo mar Ruoth

Na. 4: c Filemon—Gimomiyo Bugni Konyo (bsi08-2 ite 12-13 ¶7-10)

Nov. 10 Somo mar Muma: Jo Hibrania 1-8 Wer 144

Lony e Wuoyo: Jiwo Ji Kitiyo gi Ndiko (be ite 267 ¶1-2)

Na. 1: Chako Bug Jo Hibrania (bsi08-2 ite 13-15 ¶1-9)

Na. 2: Jo Hibrania 3:1-19

Na. 3: td 34B Misa Ok En Gima Ndiko Oyie Godo

Na. 4: Pogruok Mantie e Kind Bolruok mar Adier kod mar Miriambo

Nov. 17 Somo mar Muma: Jo Hibrania 9-13 Wer 28

Lony e Wuoyo: Bedo gi Chir mar Wuoyo (be ite 267 ¶3-4)

Na. 1: Jo Hibrania—Gimomiyo Bugni Konyo (bsi08-2 ite 15-16 ¶23-27)

Na. 2: Jo Hibrania 10:1-17

Na. 3: td 13A Jokristo Duto Nyaka Bed Jotich Nyasaye

Na. 4: Kaka Kwayo Ng’wono Kelo Winjruok

Nov. 24 Somo mar Muma: Jakobo 1-5 Wer 88

Lony e Wuoyo: Gimomiyo Ber Bedo Ng’at Majiwo Ji (be ite 268 ¶1-3)

Na. 1: Chako Bug Jakobo kod Gimomiyo Bugni Konyo (bsi08-2 ite 16-18 ¶1-7, 15-17)

Na. 2: Jakobo 1:1-21

Na. 3: td 13B Gik Madwarore Mondo Ng’ato Obed Jatich Nyasaye

Na. 4: Kaka “Kech Nyiso Loch Kuom Bura” (Jak. 2:13)

Des. 1 Somo mar Muma: 1 Petro 1–2 Petro 3 Wer 18

Lony e Wuoyo: Paro Ne Ji Gik ma Jehova Osetimo (be ite 268 ¶4–ite 269 ¶2)

Na. 1: Chako Bug 1 Petro kod Gimomiyo Bugni Konyo (bsi08-2 ite 19-20 ¶1-5, 11-13)

Na. 2: 1 Petro 2:1-17

Na. 3: td 1A Gimomiyo Ikwedo Jokristo

Na. 4: d 2 Petro—Gimomiyo Bugni Konyo (bsi08-2 ite 21-22 ¶8-10)

Des. 8 Somo mar Muma: 1 Johana 1–Juda Wer 50

Lony e Wuoyo: Nyiso Kaka Jehova Osekonyo Joge (be ite 269 ¶3-5)

Na. 1: Chako Bug Johana 1, 2 kod mar 3 kod Gimomiyo Bugegi Konyo (bsi08-2 ite 22-24 ¶1-5, 11-13; ite 24-25 ¶1-3, 5; ite 26 ¶1-3, 5)

Na. 2: 1 Johana 4:1-16

Na. 3: td 1B Dhako Ok Onego Oyie Chwore Opoge gi Nyasaye

Na. 4: e Juda—Gimomiyo Bugni Konyo (bsi08-2 ite 28 ¶8-10)

Des. 15 Somo mar Muma: Fweny 1-6 Wer 219

Lony e Wuoyo: Nyiso Mor Kuom Gik ma Nyasaye Timo Sani (be ite 270 ¶1–ite 271 ¶2)

Na. 1: Chako Bug Fweny (bsi08-2 ite 28-30 ¶1-6)

Na. 2: Fweny 3:1-13

Na. 3: td 1C Dichwo Ok Onego Owe Chiege Omone Tiyo Ne Nyasaye

Na. 4: Gimomiyo Nano kod Ng’wono Nikod Tong’

Des. 22 Somo mar Muma: Fweny 7-14 Wer 21

Lony e Wuoyo: Yud Kony Chuth Kuom Skul mar Tij Nyasaye (be ite 5 ¶1–ite 8 ¶1)

Na. 1: Fweny—Gimomiyo Bugni Konyo (bsi08-2 ite 30-31 ¶28-34)

Na. 2: Fweny 8:1-13

Na. 3: td 21A Lamo ma Nyasaye Winjo

Na. 4: Tiend Weche Mawacho Ni, “Nyasaye Duong’ Moloyo Chunywa” En Ang’o? (1 Johana 3:20)

Des. 29 Somo mar Muma: Fweny 15-22 Wer 60

Lony e Wuoyo: Somo e Yo Makare (be ite 83 ¶1-5)

Nwoyo Puonj mag Skul mar Tij Nyasaye

[Weche moler piny]