Be Isetiyo gi Ite Mogik?

Seche mwamiyo ng’ato gasedewa, ng’enygi jong’iyo ng’e gasedno kae to giloke e ite mogik. Ite mogik mar Ohinga mar Jarito e gocho ma ji duto nigi penjo mopogore opogore ma ji diher yudo dwokogi kendo onyiso sula machiwo dwoko mag penjogo.

Wanyalo tiyo gi penjo mayudore e ite mogik mar gasedno e chako wuoyo gi ji. Kapo ni walendo e alwora milendoe ahinya, wanyalo tiyo gi penjogo e yore mopogore opogore e dwe mangima. Ka wuon ot odich, wanyalo nyise achiel kuom penjogo e yo machuok ka wawacho kama, “Ka diher yudo dwoko mar penjoni, anyalo weyoni gasedegi mondo wabi wawuoye e thuolo mowinjore kodi.” Jolendo moko to chako wuoyo kuom nyiso wuon ot penjogo kae to gikwaye mondo oyier achiel kuomgi ma doher ni giwuoye. Bang’e ginyiso sula machiwo dwokono kae to gisomo ndiko ma ne giseiko motelo. Samoro iparo yore mamoko minyalo tiyogo e chako wuoyo gi ji kitiyo gi ite mogik mar Ohinga mar Jarito.