Ji Milion 6 Osetho Nikech Tuo mar Korona—Gima Muma Wacho

Riwruok mar World Health Organization (WHO) nowacho ni chop tarik 23 Mei, 2022, ji ma dirom milion 6.27 nosetho nikech tuo mar korona. Kata kamano, riwruok achiel-achielno nowacho e weche ma ne gigoyo tarik 5 Mei, 2022, ni kwan mar joma nosetho nikech tuo mar korona ne ni malo moloyo kwanno. Riwruogno nowacho ni e higa mar 2020 kod 2021, “joma notho nikech tuo mar korona, kata nikech tuoche mamoko motudore gi korona . . . ne nyalo chopo ji milion 14.9.” Be Muma wacho gimoro amora e wi masiche ma chalo kaka mago?

Muma nokoro ni tuoche maricho ma landore ne dhi bedoe

•  Yesu nokoro ni “tuoche ma landore” ne dhi bedoe e kinde ma Muma luongo ni “ndalo mag giko.”​—Luka 21:11; 2 Timotheo 3:1.

Weche ma Yesu nokorogo timore e kindegi. Mondo iyud weche momedore, som sula ma wiye wacho ni “Ni Nini Ishara ya ‘Siku za Mwisho?’”

Muma chiwo hoch

•  “Nyasach hoch duto. . . hoyowa e masichewa duto.”​—2 Jo-Korintho 1:3, 4.

Muma osehoyo chuny ji mang’eny moselalo wedegi kata osiepegi e tho. Inyalo yudo weche momedore e sula ma wiye wacho ni “Huzuni ya Kufiwa​—Jinsi ya Kukabiliana Nayo” kod “Kitabu Kinachotoa Ushauri Bora na Faraja.”

Muma nyisowa gima biro tieko chandruoge chuth

•  “Pinyruodhi mondo obi. Dwaroni mondo otimre e piny kaka timore e polo.”​—Mathayo 6:10.

Machiegnini, “Pinyruodh Nyasaye” biro timo gimoro, kendo bang’ mano “onge japiny ma nowachi niya: ‘Atuo.’” (Mariko 1:14, 15; Isaya 33:24) Ne vidio ma wiye wacho ni Pinyruodh Nyasaye En Ang’o? mondo ine weche moko e wi sirkand polono kod gik ma obiro timo.

Wagweli mondo ipuonjri weche momedore ma Muma wacho mondo in kaachiel gi joodi uyud ber kuom rieko moa kuom Wach Nyasaye kod singoge.