Be Yore mag Tudruok e Intanet Hinyo Nyathini?—Kaka Muma Nyalo Konyo Jonyuol

“Kwan mar rowere ma nigi tuoche ma wilo paro medore ahinya, kendo wachore ni yore mag tudruok e intanet en achiel kuom gik mosemiyo kwanno omedore e kindegi.”​—Dr. Vivek Murthy, U.S. surgeon general, New York Times, Jun 17, 2024.

Ere kaka jonyuol nyalo rito nyithindgi mondo kik giyud hinyruok sama gitudore gi jomamoko e intanet? Muma chiwo paro ma nyalo konyogi.

Gima jonyuol nyalo timo

Ne ane puonj mag Muma ma luwogi:

“Ng’at ma riekone tin yie gi gimoro amora.”​—Ngeche 14:15.

Nikech kuonde mitudruokie e intanet nyalo kelo hinyruok ne nyathini, kik ipar ni ochuno ni nyaka iyiene mondo oti gi kuondego. Ka pok iyiene nyathini chako tiyo gi kuonde kaka mago, ne ni onyalo luwo chike miketo e wi thuolo monego otigo ka en kuondego, ong’eyo yiero osiepe monego otudrego, kendo ong’eyo gima obiro timo sama gik mochido osieko e intanet.

• Mondo iyud weche momedore, som sula ma wacho ni “Je, Mtoto Wangu Atumie Mitandao ya Kijamii?” kod ma wacho ni “Mfundishe Kijana Wako Kutumia Mitandao ya Kijamii kwa Njia Salama.”

“[Ti] maber gi kinde ma [in-go].”​—Jo-Efeso 5:16.

Ka po ni iyie ne nyathini mondo oti gi kuonde mitudruokie e intanet, ketne chike ma biro taye sama en kuondego kendo ilerne kaka chikego biro rite. Bed akicha mondo ine ka nyathini nyalo chako bedo gi timbe moko ma samoro nyalo dwarore ni idwok chien thuolo motiyogo e intanet.

• Ti gi vidio mar pichni migoro e bod ma wiye wacho niTi Mariek gi Yore mag Tudruok e Intanet, mondo ikony nyathini ong’e gimomiyo dwarore ni obed gi tong’ sama otudore gi ji e intanet.

Puonjri weche momedore

Muma wacho ni wadak e ndalo mag giko ma gin “kinde matek ahinya.” (2 Timotheo 3:1-5) E sechego bende, Muma miyowa paro mabeyo ma nyalo konyowa nyagore gi kindego. Nitie sula mopogore opogore mokalo 20 moselos ne jonyuol kod nyithindgi ma wuoyo e wi tuoche ma wilo paro ma rowere nyalo bedogo.