PENJO MAR 6
Ang’o ma Muma nokoro e wi Mesia?
WACH MA NOKOR
“In Bethlehem Efratha, . . . kuomi e ma ng’at ma noloch e Israel nowuogie.”
KAKA NOCHOPO
“Ka nosenyuol Yesu e Bethlehem ma Judea e ndalo Ruoth Herode, jokor wach ma tiyo gi sulwe moa yo Ugwe nobiro Jerusalem.”
WACH MA NOKOR
“Gipogore lepa e kindgi, kendo gigoyo ombulu ne nangana.”
KAKA NOCHOPO
“Koro ka askeche noseguro Yesu e yath, ne gikawo lepe ma oko mi gipogo ding’wen . . . Kata kamano, nanga ma iyeno ne onge gi ka ma oriwego, nikech nolos borne wuok malo nyaka piny. Omiyo, ne giwacho e kindgi niya: ‘Kik wayieche, to wagone ombulu eka wang’e ni obiro bedo mar ng’a.’”
WACH MA NOKOR
“Orito chokene duto, ma kata achiel kuomgi ok otur.”
KAKA NOCHOPO
“Ka ne gibiro ir Yesu, ne giyudo kosetho, mi ne ok gituro tiendene.”
WACH MA NOKOR
“Ne ochuoye nikech richowa.”
KAKA NOCHOPO
“Achiel kuom askechego ne ochwoyo ng’et Yesu gi tong’ kendo remo gi pi nowuok kuome gie sano.”
WACH MA NOKOR
“Eka ne gichula fedha 30.”
KAKA NOCHOPO
“Eka achiel kuom ji Apar Gariyoka, miluongo ni Judas Iskariot, ne odhi ir jotend-jodolo mi nopenjogi kama: ‘Ang’o ma ubiro miya mondo andhognugo? ’ Ne gisingone fedha 30.”