Kaka Wanyalo Medo Lony e Tij Lendo​—Konyo ‘Joma Chunygi ni Kare’ Mondo Gibed Jopuonjre

GIMOMIYO MANO DWARORE: Jehova miyo kodhi mar adiera ti e chuny ‘joma chunygi ni kare ne ngima mochwere.’ (Tic 13:48; 1Ko 3:7) Watiyo kanyachiel gi Jehova ka wabedo gi kinda mar konyo ji mondo oti gi gik ma gipuonjore e Muma. (1Ko 9:26) Jopuonjre Muma onego ong’e ni batiso en gima dwarore ne Jakristo mondo oyud resruok. (1Pe 3:21) Onego wakonygi mondo gitim lokruoge e ngimagi, ging’e lendo kod puonjo, kendo gichiwre ne Jehova.​—Mat 28:19, 20.

KAKA WANYALO TIMO MANO:

• Par ne jopuonjre mag Muma ni gima duong’ momiyo gipuonjore en ni mondo ‘ging’e’ Jehova kendo gitim gik mamore.​—Joh 17:3

• Konygi mondo gitim dongruok e yore machalo kaka weyo kido maricho kod weyo osiepe ma ok beyo

• Dhi nyime tegogi kendo jiwgi kapok obatisgi kendo bang’ kose batisgi.​—Tic 14:22

NEURU VIDIO MA WIYE WACHO NI JEHOVA BIRO KONYI, KAE TO UDWOK PENJO MALUWOGI:

• Gin luoro mage ma nyalo mono ng’ato chiwore ne Jehova kendo obatise?

• Ere kaka jodong-kanyakla nyalo konyo jopuonjre mag Muma mondo otim dongruok e wach Nyasaye?

• Ndiko mar Isaiah 41:10 puonjowa ang’o e wi Jehova?

• Gin kido mage manyalo konyowa mondo watine Jehova e yo moyiego, kata obedo ni wan dhano morem?