Puonj Manie Wach Nyasaye

Muma nigi ote moa kuom Nyasaye ne dhano. Muma puonjowa kaka wanyalo dak ka wan gi mor madier, kendo kaka wanyalo moro Nyasaye. Bende, ochiwo dwoko mag penjo ma luwogi:

1 Nyasaye en ng’a?
2 Gin yore mage ma inyalo puonjorigo e wi Nyasaye?
3 Ng’ano ma nondiko Muma?
4 Be sayans winjore gi Muma?
5 En wach mane maduong’ ma Muma wuoyoe?
6 Ang’o ma Muma nokoro e wi Mesia?
7 Muma nokoro ang’o e wi ndalowagi?
8 Be Nyasaye e ma kelo ne dhano chandruok?
9 Ang’o momiyo dhano chandore?
10 Muma singo ni ngima biro chalo nade kinde mabiro?
11 Ang’o ma timore ne ng’ato bang’ tho?
12 Wanyalo bedo gi geno mane ne jowa mosetho?
13 Ang’o ma Muma puonjo e wi tich?
14 Ere kaka inyalo tiyo maber gi mwanduni?
15 Ere kaka inyalo bedo gi mor madier?
16 Ere kaka inyalo nyagori gi parruok?
17 Ere kaka puonj mag Muma nyalo konyo joodi?
18 Ere kaka inyalo sudo machiegni gi Nyasaye?
19 Ang’o manie buge mopogore opogore mag Muma?
20 Ang’o ma inyalo timo mondo weche ma isomo e Muma okonyi?

KAKA INYALO YUDO NDIKO MORO E MUMA

Muma oting’o buge 66. Opog Muma e kidienje ariyo: Ndiko mag Dho-Hibrania (“Muma Machon”) kod Ndiko mag Dho-Grik mag Jokristo (“Muma Manyien”). Buk ka buk ma yudore e Muma opogi e sula kod kwan matindo. Ka ondik ndiko moro, namba mokwongo bang’ nying bugno ochung’ ne sula mare, kae to namba ma luwo ochung’ ne kwan matindo. Kuom ranyisi, Chakruok 1:1 tiende en Chakruok sula mokwongo, kwan matindo achiel.