I Thawk Rei Deuh Thei Lâwm Ni?

Thuchhuahtu ṭhenkhat chuan thlawhhma rawngbâwlnaa an kal hian hun engemawti chhûng, chawhma lam emaw chauh an thawk ṭhîn a. Thuchhuahtu ṭhenkhat tân chuan an dinhmun avângin thlawhhma rawngbâwlnaa thawh chin tûr ruat chu a ngai ngei ang. Mahse, in thu hrilhna group-a mi dangte’n an tihtâwp vâng emaw, in awmna hmunah hun bi ruata thawh ṭhin a nih vâng emawin i thu hrilhna chu i titâwp em? Rawngbâwlna atâna hun rei lo tê pêk belhin, kawtthlêra thu hrilhna ang chi, vângtlâng hmuna thu hrilhna pêng ṭhenkhatah hian i tel thei ang em? I haw kawngah tlawhkîr pahnih khat vêl chu i nei thei ang em? Tuina nei pakhat tal pawh ina i tawn fuh leh emaw, kawnga kal lai tuemaw hnêna magazine pakhat lek i sem theih emaw avânga thil i hlen chhuah ṭhat theih tûr zia chu han ngaihtuah teh! Kan tihtâwp a ngai a nih loh phawt chuan, rawngbâwlnaa rei lo tê thawh belh chu “faka inthawina” kan hlan tam lehzual theih dân kawng awlsam tak pakhat a ni.—Heb. 13:15.