THLAWHHMA RAWNGBAWLNAAH INHMANG RAWH
Rawngbâwlnaah Thiamna Tihmasâwn Rawh—I Magazine Sem Dân Tûr Ziak Rawh
A PAWIMAWH CHHAN: Inzirna lehkhabuaah hian min ṭanpui thei thusawi dân tûr entîrna tel mah se; hei hi a rîruang mai chauh a ni a. I ir-âwm chhuakin sawi ang che. Tualchhûnga mite duhzâwk tûr tih dân dang emaw, thu dang emaw hman chu i duh zâwk pawh a ni mai thei a. Chutiang a nih chuan, magazine i chhiar chhuah a, thusawi dân tûr entîrnate i ngaihtuah bâkah, entîrna video-te i en hnu chuan, a hnuaia thurâwnte hmangin i thusawi dân tûr chu i ziak thei ang.
A TIH DAN TUR:
Inzâwt rawh, ‘Thusawi dân tûr entîrna a engemaw ber hman ka duh em?’
AW
I thuhmahruai tûr inbuatsaih rawh. Dân pângngaia chibai i bûk hnuah, i va tlawh chhan tawifel takin sawi rawh. (Entîrna: “Ka rawn kal chhan chu . . . “)
Zawhna, Bible châng, leh sem dân a indawta pakai chhoh dân tûr chu ngaihtuah rawh. (Entîrna: Bible châng chu hmuhin, tihian sawi rawh: “He zawhna tâna chhânna lungâwithlâk tak chu tah hian i hmu thei ang.”)
AIH
I ngaihven zâwng leh tualchhûnga mite ngaihven tûr magazine-a thu pakhat chu thlang rawh
In neitu tizak si lova, a ngaihtuahna leh thusawi duhna chawktho thei tûr zawhna pakhat thlang rawh. (Entîrna: Magazine phêk 2-naa lang zawhnate.)
Bible châng chhiar tûr thlang rawh. (Awake! i sem a nih chuan, Bible hriatna nei tam lote leh sakhaw ring lote tâna siam a nih avângin Bible châng chhiarsak kher a ngai lo.)
Thuziak chhiar a hlâwkpui theih dân tûr hrilhfiahtu thu tâwi tê inbuatsaih rawh
ENG PAWH THLANG LA
Tlawhkîr leh huna chhân tûr zawhna pakhat inbuatsaih rawh
Kal leh huna i sawi tûr hriat chhuah nân ziak chhuak rawh