Mi Tinte Hnêna Thu Hril Tûra Kan Inrêlbâwl Dân

Jehova’n Israel mite a huaihawt angin, tûn laiah a mite pawh a duh zâwng ti tûrin a huaihawt a. Khawvêl puma branch office te, bial te, kohhran te, leh thlawhhma rawngbâwlna group te chu chanchin ṭha hrilhnaah an thawkho va. Ṭawng dang hmangte pawh tiamin, mi tinte hnênah thu kan hril a ni.—Thup. 14:6, 7.

Mi tuemaw thutak zir tûra ṭanpui tûrin ṭawng dang zir i ngaihtuah tawh ngai em? Ṭawng dang zir tûra hun i pe thei lo a nih pawhin, JW Language app-a tawi têa thusawi dânte chu hmangin i zir thei a ni. Tichuan, rawngbâwlnaa i hman hnuah, kum zabi khatnaa kan unaute’n “Pathian thiltih ropuite” ram dang mite’n an mahni ṭawng ngeia an hriata mak an tihzia an hmuh avânga lâwmna an neih ang chu i nei ve thei a ni.—Tirh. 2:7-11.

JEHOVA ṬHIAN NI ANG CHE—ṬAWNG DANGIN THU HRIL RAWH, TIH VIDEO EN HNUAH A HNUAIA ZAWHNATE HI CHHANG ANG CHE:

• 

  JW Language app chu engtik hunah nge i hman theih?

• 

  A hmêlhmang ṭhenkhat chu engte nge ni?

• 

  In rawngbâwlna biala mite’n eng ṭawng nge an hman?

• Ṭawng dang hmang mi tuemawin Lalram thuchah a ngaihven a nih chuan eng nge i tih ang?—od 100-101 ¶39-41