Thusawi Dân Tûr Entîrna

August Thla Inrinni Hmasa Bera Bible Zirna Neih Ṭanna Tûr

“Mi tam tak chuan siamtu an ring a. Ani’n hming a neih i ring em? [A chhânna nghâk rawh.] He mi chungchânga Bible thu min hrilh hi ka’n hmuh ang che aw? [Rem a tih chuan Sâm 83:18 chhiar rawh.]” Phêk 28-a thupui pathumnaa thuziak chu chhiarin sawipui rawh.

Vênnainsâng August 1

“Dam chhûng nîte hi a rei loh va, buaina hlîra a khah avângin mi tam tak chuan nun awmzia chungchâng an ngaihtuah a. Nang i ngaihtuah ve ngai em? [A chhânna nghâk rawh.] Nun hi hetiang hian a awm reng dâwn lo tih min tiamtu Bible châng pakhat ka’n hmuh ang che aw? [Rem a tih chuan Thu Puan 21:4 chhiar rawh.] He magazine hian lei atâna Pathian thiltum leh tûnah ngei pawh nun awmze nei tak kan neih theih dân a sawi a ni.”