Thusawi Dân Tûr Entîrna

August Thla Inrinni Hmasa Bera Bible Zirna Neih Ṭanna Tûr

“Mi tin deuhthaw hian ṭawngṭai châng kan nei ṭhîn a. Pathian awm ring lotute takngial pawh an mangan hunah chuan an ṭawngṭai a ni. Ṭawngṭaina zawng zawng hi Pathianin a ngaihthlâk vek i ring em?” A chhânna nghâk rawh. August 1 chhuak Vênnainsâng kâwm hnung lam chu hmuhtîr la, zawhna hmasa ber hnuaia thu awmte leh Bible châng târ lan pakhat tal chu sawipui rawh. Magazine chu pe la, a dawta zawhna awm chu sawiho tûra tlawh leh tûrin ruahmanna siam ang che.

Chhinchhiah tûr: He thusawi dân hi August 3 nî thu hrilh rawngbâwlna atâna inkhâwmah entîr tûr a ni.

Vênnainsâng August 1

“Saruak lem leh thu ziakte hian mi tam takte a tihbuai êm avângin rei lo tê tê kan rawn leng a. Amaherawhchu, mi tam takte chuan chûng thilte chu thil pawi lovah an ngai a ni. Eng nge i ngaih dân? [A chhânna nghâk rawh.] Isua chuan thil ṭha leh ṭha lo chu a rahah kan hre thei tih a sawi a ni. [Matthaia 7:17 chhiar rawh.] He magazine hian saruak lem leh thu ziakin a rah chhuah chu a târ lang a. Chûng thilte bânsan a nih theih dân rawtna ṭangkai takte a pe bawk a ni.”