Thusawi Dân Tûr Entîrna

August Thla Inrinni Hmasa Bera Bible Zirna Neih Ṭanna Tûr

“Tûn laia mi tam tak chuan thlarau thiltihtheihna khawvêl chu an ngaihsak a. Vântirhkohte emaw, ramhuaite emaw chu an awm tak tak i ring em? [A chhânna nghâk rawh. In neitu’n a ngaihven chuan sawi zawmpui ang che.] He magazine sawi hi lo chhinchhiah rawh.” In neitu hnênah chuan August 1 Vênnainsâng chu pe la, phêk 16-na a thupuitê hmasa ber hnuaia thuziak chu sawipui ang che. In neitu phalna chu dîl la, tichuan Bible châng pakhat tal sawipui rawh. Magazine chu pe la, a dawta zawhna sawiho leh tûra tlawhkîr tûrin ruahmanna siam ang che.

Vênnainsâng August 1

“Mi tam tak chuan an mamawh laia an ṭawngṭai hian Pathianin a ngaithla tih an pawm ngei ang. Mahse, ṭhenkhat chuan, ‘Pathian a awm a nih chuan, engvângin nge khawvêlah hian buaina a tam êm êm?’ tiin an ngaihtuah mai thei a ni. Pathian chuan kan ṭawngṭaina a ngaithla em? [A chhânna nghâk rawh.] Ṭawngṭaina ngaithlatu a awm tih târ langtu Bible châng ka’n hmuh ang che aw? [In neitu’n rem a tih chuan, Sâm 65: 2 chhiar rawh.] Mi tam tak chuan he thu hi an pawm a ni. He magazine hian: ‘Engvângin nge Ṭawngṭaina ngaithlatu chuan hrehawm tawrhna awm a phal?’ tih zawhna chu a chhâng a ni.”