Zawhna Bâwm

◼ Kawtkaia Bible zirpuinaah ṭawngṭai tûr a ni em?

Bible zirpuina ṭawngṭaia ṭan leh tihtâwp chuan hlâwkna tam tak a nei a. Kan ṭawngṭai hian Pathian Jehova hnênah kan sawihona min ṭanpui tûrin a thlarau thianghlim kan dîl tihna a ni. (Lk. 11:13) Ṭawngṭaina chuan kan zirpuite hnênah a Bible zir chu thil pawimawh tak a nihzia a târ lan bâkah, ṭawngṭai dân tûr a zirtîr bawk. (Lk. 6:40) Chuvângin, ṭawngṭaina chu a theih anga hmaa neihpui a ṭha. Amaherawhchu, dinhmunte a inan ṭhin loh avângin, kawtkaia Bible zirnaa ṭawngṭai tûr leh tûr loh chungchângah chuan zirna kaihruaituin remhriatna a hmang tûr a ni.

Ngaihtuah tûr thil pawimawh tak pakhat chu a hmun hi a ni a. A fâl deuh a nih chuan, Bible zirna ṭan leh khâr nân ṭawngṭaina tâwi fel tak chu fîmkhur taka neih theih a ni ang. Mahse, chutianga ṭawngṭaina chuan a bul vêla mite mit a la dâwn emaw, zirlai tân a nuam dâwn lo emaw a nih chuan hmun fâl deuh zâwka zir theih hun nghah chu a ṭha thei ang. A hmun chu khawi lai pawh ni se, ṭawngṭai tûr leh tûr loh chungchângah chuan ngaihruat thiamna kan hmang tûr a ni.—March 2005 Kan Lalram Rawngbâwlna, phêk 8-na en rawh.