Engtin Nge A Lan?

Hei zawhna hi thu leh hla sem chhuah kan tum engpawh chungchânga inzawh tûr ṭha tak a ni. A phêk sîr inthlep te, a hlui avânga rawng da vek tawh te, bâl ṭawp tak te, a nih loh leh a thlêr te sem chhuahna chuan kan inawpna pâwl a tihmingchhiain, kan thu leh hlaa chuang nun chhanhim thei thuchah duhawm tak lak ata in neitu rilru chu a la pêng thei a ni.

Engtin nge kan thu leh hla chhuahte chu fel fai taka kan vawn theih ang? Mi tam tak chuan an thu hrilhna ip-ah lehkhabu inangte hmun khata dah tlâng zêl thei tûr zâwnga ruahman chu ṭangkai an ti a. Entîr nân, lehkhabu te, magazine te, brochure te, leh tract te chu a dahna tûr bîk an siam hrang thliah thliah a ni. Tin, Bible leh an pêk chhuah loh thu leh hla chhuahte chu fîmkhur takin an dah lût lêt leh ṭhîn a. Thuchhuahtu ṭhenkhat chuan an thu leh hla chhuahte chu folder-ah emaw, plastic bag lang tlang theiah emaw an dah a ni. Kan dah dân chu eng pawh ni se, thu leh hla chhuah hmêl hem tawhte kan sem chhuah avânga mite’n kan rawngbâwlna an dem chu kan duh lo a ni.—2 Kor. 6:3.