Bible Thu leh Hla Chhuahte Chu Ṭha Takin Hmang Rawh

Isua chuan: “Athlâwnin in hmu a, athlâwnin pe ang che u,” tiin a zirtîr a. (Mt. 10:8) Chu kaihhruaina chiang tak chu zawmin, Bible leh Bible ṭanchhan kan thu leh hla chhuahte chu mite hnênah man lovin kan pe a ni. (2 Kor. 2:17) Mahse, hêng thu leh hla chhuahahte hian Pathian Thu aṭanga thutak a chuang a. Chhut chhuah nân leh khawvêl puma kohhrante hnêna thawn chhuah nân, nasa taka thawh rim a nih bâkah, sum tam tak sên a ni. Chuvângin, kan mamawh zât chauh kan la tûr a ni.

Mi dangte hnêna i pêk hunah leh vângtlâng hmaa thu hrilhna hmunahte pawh thu leh hla chhuahte i pêk chhuah hian remhriatna hmang ang che. (Mt. 7:6) Mite hnêna chanchinbu sema sem mai ai chuan, an ngaihven leh ven loh i hriat theih nân biak tum ang che. A sîra zawhnate zînga pakhat tal hi, “Aw,” tiin i chhâng thei em? A ngaihven leh ven loh i hriat theih loh chuan tract pêk chu a ṭha ber ang. Mahse, magazine emaw, thu leh hla chhuah dang emaw a dîl che a nih chuan, phal takin copy khat chu pe ang che.—Thuf. 3:27, 28.