Zawhna Bâwm

◼ Thuchhuahtu unaunu chuan thuchhuahtu unaupa hmaa kawngka bula Bible zirna a kaihhruai hunah a lû a khuh tûr a ni em?

Thuchhuahtu unaunu chuan thuchhuahtu unaupa hmaa Bible a lo zirpui tawh ṭhîn nêna hunbi neia Bible zirna a kaihhruai chuan a lû a khuh tûr a ni. (1 Kor. 11:3-10) July 15, 2002, chhuak Vênnainsâng (English) phêk 27-naah chuan: “Hei hi a zirpuituin zirna a kaihhruaina, ruahman lâwk anga zirtîrna neih hunah a ni a. Hêng dinhmunah hian Bible zirna chu kohhrana inzirtîrna pêng pakhat a ni. Chuvângin, baptisma chang tawh unaupa awm laia baptisma chang tawh unaunuin Bible zirna a kaihhruai chuan a lû a khuh ngei tûr a ni,” tiin a sawi. Bible zirna kaihhruaina chu inah a ni emaw, kawngka bulah a ni emaw, a nih loh leh hmun danga neih pawh ni se, a lû a khuh tho tho tûr a ni.

Kawng lehlamah, kawngka bula Bible zirna chu neih chian a la nih loh chuan, thuchhuahtu unaupa tel ve mah se, unaunu tân a lû a khuh a ngai lo. Bible zir dân entîr tûr emaw, Bible zirna lehkhabu aṭanga thute sawiho tûr emawa tlawhkîr a nih pawhin, a lû a khuh a ngai lo vang. Kawngka bula Bible zirna chu tlawhkîrna vawi tam tak neih hnua zawi zawia tihngheh chhoh a nih avângin, thuchhuahtute chuan lu khuh a ngaih hun tûr chungchânga thu tlûkna siam nân dinhmunte chu ngaihtuah telin, remhriatna an hmang tûr a ni.