KRISTIANTE ANGIN NUNG RAWH
Kawngka Bula Awm Dân Mawi
Kristiante chu “khawvêlte . . . mithmuha ennawma siam” an ni a. (1 Kor. 4:9) Chuvângin, in neitute’n an tukverh emaw, an kawngkhâr phên aṭang emawa min rawn bih pawhin mak kan ti tûr a ni lo. Security camera leh microphone awmna in a nih chuan in neitute’n min enin, min ngaithlain, kan awm dân leh thusawite an record hial thei a ni. Chuvângin, hetah hian kawngka bula awm dân mawi kan lantîr theih dân kawng ṭhenkhat târ lan a ni e.—2 Kor. 6:3.
I CHET DAN HMANGIN (Phil. 1:27, 28):
In chhûng bih kual lohna hmangin in neitu zahna lantîr la. Kawngkhâr hmaa i din hunah thil ei leh in te, phone-a mi biak te, leh SMS thawnte chu chîng suh
I ṬAWNGKAM HMANGIN (Eph. 4:29):
Kawngka bula i din tawh chuan in neitu hriat atâna i duh loh tûr thute chu sawi suh. Thuchhuahtu ṭhenkhat phei chuan an thusawi tûrte an ngaihtuah theih nân an kawppuite nêna inbiak loh chu an duh zâwk hial thei a ni