Rawngbâwlnaah Thiamna Tihmasâwn Rawh—Bible Zirtîrna Bu Semin

A Pawimawh Chhan: Bible Zirtîrna bu hi kan zirtîrna hmanraw bâwma tel kan hmanraw chelek ber a ni a. Mahse, tuemaw Bible zirpui nâna kan hman theih hmain, a hnênah kan sem chhuak hmasa tûr a ni a. Chuvângin, rawngbâwlnaah Bible Zirtîrna bu sem chhuah dân thiam chu kan tum ṭheuh tûr a ni. (Thuf. 22:29) Sem chhuah dân kawng tam tak a awm thei a, thuchhuahtute chuan an tâna ṭha ber chu an hmang tûr a ni.

A Tih Dân Tûr:

Bung tinte inṭannaa awm zawhna zînga pakhat chu i thlang thei ang a. In neitu chhânna i hriat hnu chuan, Bible châng inawm tak pakhat chhiarsak la, tichuan chumi chungchâng sawina paragraph chu hmuhin, rei lo tê i sawipui thei bawk ang.
Entîr nân, chanchin thara tûn hnaia chhiatna thleng pakhat i sawi thei a, tichuan phêk 3-naa zawhna chhânnate chu mi tam takin an ngaihtuah tih i hrilh thei a ni. A nih loh leh nakin hun beiseina duhawm tak hrilh tûr—in ṭhenawmte i tlawh thu i hrilh thei ang a. Tichuan, phêk 4-5-naa milem chu hmuhin, heti hian zâwt rawh, “Hêng thutiamte zînga a eng ber thlen famkimna nge hmuh i châk?” tiin. Tih theih dân dang leh chu, nuna zawhna pawimawh takte chhânna zawng hmu tûra mite ṭanpui tûrin rei lo tê tê i tlawh tih sawi hi a ni. Tichuan, in neitu chu phêk 6-na hnuai lama awm zawhnate chu hmuhtîr la, a ngaihven ber chu zâwt rawh.
Heti hian i sawi thei a ni: “He Bible zirna ṭanpuitu lehkhabu hi ṭhenawmte kan hmuhtîr a. Tûn hmain i lo hmu tawh ngai em? [A chhânna nghâk rawh.] Hun rei lo tê i neih chuan, i Bible nêna i hman kawp theih dân ka hmuhtîr ang che,” tiin.

Tûn Thla Chhûng Hian Tichhin Rawh:

Rah ṭha a chhuah loh chuan i thuhmahruai chu thlâk ang che.