Rawngbâwlnaah Thiamna Tihmasâwn Rawh—Zirtîrnaah Video-te Hmangin

A PAWIMAWH CHHAN:

Video aṭanga an thil hmuh leh hriatte chuan mite thinlung a khawih thei hle a. Video chuan ngaihsak pumhlûm tûr leh an thinlunga châm reng tûrin a ṭanpui a ni. Jehova chuan hmuh theih thilte hmanga zîrtîrnaah entawn tûr ṭha a siam a ni.—Tirh. 10:9-16; Thup. 1:1.

Pathianin Hming A Nei EM?, Bible Ziaktu Hi Tu Nge Ni?, tih leh Engtin Nge Bible Hi A Dik Tih Kan Hriat Chian Theih? tih video chu Chanchin Ṭha brochure zirlai 2-na leh 3-na tiphuisuitu a ni. Engvângin Nge Bible I Zir Ang?, Bible Zirnaah Engte Nge Thleng Ṭhîn? tih leh Kingdom Hall-ah Eng Nge Thleng Ṭhîn? tih video-te chuan mite chu Bible zir tûr leh kohhran inkhâwma rawn tel tûrin a fuih a. Kan video sei ṭhenkhat pawh chu kan Bible zirpuite zirtîr nân a hman theih bawk a ni.—km 5/13 3.

TIH DAN TUR:

• In neitu i chhuahsak duh video chu download sa rawh

• Video-in a chhân tûr zawhna pakhat emaw, pahnih emaw chu inbuatsaih rawh

• Video en pui rawh

• A pawimawh laite chu sawipui rawh

TI CHHIN RAWH:

• Kan tract-te zînga a engemaw ber phêk hnung lam chu hmuh la, Engvângin Nge Bible I Zir Ang? tih video luh theihna code chu hmuh rawh

• Engtin Nge Bible Hi A Dik Tih Kan Hriat Chian Theih? tih video chu chhuah la, Chanchin Ṭha brochure zirlai 3-na chu hmuhin sem chhuak rawh