Nêlawm Takin Lo Lâwm Rawh

Tute nge kan lo lawm ang? Kan Kristian inkhâwmnaa lo tel tupawh—mi tharte bâkah, hun rei tak aṭanga kan hriatte pawh kan lo lâwm ang. (Rom 15:7; Heb. 13:2) Ram dang aṭanga rawn zin kan unau emaw, kohhran thiltiha tel tawh lo, kum rei tak hnua rawn inkhâwm leh emaw pawh a ni thei a. Chutiang dinhmuna awm angin han inchan teh. Nêlawm taka lawmna dawn chu i ngaihlu dâwn lâwm ni? (Mt. 7:12) Inkhâwm ṭan hma leh bân hnua mi dangte chibai bûk tûrin engvângin nge ṭan i lâk lehzual loh vang? Chu chuan boruak nuam tak a siamin, Jehova a chawimawi a ni. (Mt. 5:16) Mahse, inkhâwma lo tel zawng zawngte biak vek chu a harsa ngei ang. Mahse, chutianga kan tih ṭheuh chuan mi zawng zawngin lawm nia inhriatna an nei ang.a

Khualchhâwn thiamna dik tak chu Hriatrengna ang chi hun pawimawh bîkah chauh ni lovin, eng hunah pawh lantîr tûr a ni a. Mi tharte’n Kristian inhmangaihna an hmuh a, an dawn hian Pathian an fakin biakna dik zawm duhna an nei thei a ni.—Joh. 13:35.