Mi Khualte Lo Lâwm Rawh

March 23 hian, mi maktaduai 12 emaw, a aia tam emawte chuan Hriatrengna inkhâwm an rawn chhim kan beisei a, kan lo mi khual dâwn a ni. Thusawituin Jehova min pêk tlanna chungchâng leh hma lam huna mihringte neih tûr malsâwmnate chungchâng a sawi chuan, thu hriattîrna ṭha an va dawng dâwn êm! (Is. 11:6-9; 35:5, 6; 65:21-23; Joh. 3:16) Mahse, he hun pawimawh taka thu hriattîrtu chu thusawitu chauh a ni lo. Kan za hian kan mi khualte ṭha taka lo lawm theihna chanvo kan nei ṭheuh a ni. (Rom 15:7) Hetah hian rawtna ṭhenkhat a awm e.

• Ṭhuthmun rema program ṭan hun tûr nghah ai chuan, rawn inkhâwmte leh rawngbâwlnaa tel tawh lote chu nui hmêl hmuha chibai bûkin lo lâwm ang che

• I ṭhian sâwmte i ngaihsak rualin, campaign-a sâwmna an dawn avânga lo tel an awm leh awm loh hre tûrin harhvâng ang che. Mi tharte chu ṭhutpuiah sâwm la. I Bible leh hlabu chu entîr ve rawh

• Thusawi zawhah, zawhna an neihte chhâng tûrin inbuatsaih rawh. In inkhâwmna hmun chu kohhran dangin a hman leh dâwn avângin hun in nei tam lo a nih chuan, rawn inkhâwmte chu ni rei vak lova tlawhkîr leh tûrin ruahmanna siam ang che. Amah biak pawh theihna i la nei lo a nih chuan, heti hian i sawi thei ang: “He inkhâwm chungchânga i ngaih dân hriat ka duh a. Biak pawh theih dân che a awm em?” tiin.