Jehova Rawng Bâwl Zêl Tûrin Zirtîr Rawh

Atîr aṭanga rawngbâwlnaa ṭhahnemngai taka tel tûra zirtîrna dawng thuchhuahtu tharte chu an hlawhtling ṭhîn tih thiltawn chuan a târ lang a. (Thuf. 22:6; Phil. 3:16) Zirlai chu rawngbâwlna lama bul ṭanna ṭha nei tûra i ṭanpui theih dân rawtna ṭhenkhat a awm e:

• I zirpui chu thuchhuahtu ni tûra pawm a nih veleh, zirtîrna ṭan nghâl ang che. (km 8/15 1) Rawngbâwlna chu chawlhkâr tina a hun duana tel a pawimawhzia a rilruah tuhsak rawh. (Phil. 1:10, NW) Thu hrilhna bial chungchâng i sawite chu a ṭha lam hawi ni rawh se. (Phil. 4:8) Group overseer leh thuchhuahtu dangte thiltawn aṭanga a inzir theih nân anmahni thawhpui tûrin fuih rawh.—Thuf. 1:5; km 10/12 6 ¶3

  

• I zirpuiin baptisma a chan hnu chuan, rawngbâwlnaah i zirtîr zawm zêl tûr a ni a, a bîk takin “Pathian Hmangaihna” lehkhabu a la zir zawh loh chuan zirtîr zawm a ngai lehzual a ni.—km 12/13 7

  

• Thuchhuahtu tharte rawngbâwlnaa i thawhpui hian, thusawi dân awlsam tak hmang rawh. A thusawi i ngaihthlâk hnuah, fak mawlh mawlh rawh. Hlawhtling lehzual tûra ṭanpui thei rawtnate pe rawh.—km 5/10 7