Rawngbâwlnaah Thiamna Tihmasâwn Rawh—Mi Tharte Zirtîrin

A Pawimawh Chhan: Isua zirtîr tharte chuan a thupêk “zawng zawng” an zâwm tûr a ni a, chutah chuan mi dangte hnêna thutak zirtîr a tel a ni. (Mt. 28:19, 20) Mi thar tam tak chu Theocratic Rawngbâwlna School-ah an tel tawh a, an chhûngte leh an ṭhiante hnênah tawn chawpin thu an hril tawh pawh a ni thei bawk. Nimahsela, an thu zirte an ngaihhlut a, Jehova’n mi zawng zawng chu chanchin ṭha hre tûrin a duh tih an hriatna chuan rawngbâwlnaa tel an duhzia an sawi mai thei a ni. (Rom 10:13, 14) Mi tharte chu baptisma chang lo thu chhuahtu nia thlarau lama hmasâwnna rahbi pawimawh tak an rah hnuah zirtîrna ṭha tak pêkna chuan inrin tâwkna nei lehzual tûrin a ṭanpui ang.—Lk. 6:40.